VOV4.Bahnar - Dơnŏ anĭh tơm vei lăng chŏh jang sa păng atŏk tơ iung tơring tơrang ‘nao đei Hla bơar tơchơ̆t pơtrŭh ăn pơrô̆ Dơnŏ anih vei lăng kon pơlei rim dêh char, pơlei tơm găh Trung ương găh atŏk kơtang pơrô̆ atŏk rong rôp ka hơdang păng rong kon tơrong rim khei hơtuch sơnăm 2021. 6 khei blŭng sơnăm 2021, akŏp kôp ka hơdang đei 4 trĭu 100.000 tân, tŏk 3% pơtêng hăm khei au sơnăm sơ̆; tĕch mơdro tơ̆ tĕh đak đe iŏk đei 4 ti 100 trĭu dolar, tŏk 13,6% pơtêng hăm khei au sơnăm sơ̆. Dôm khei hơtuch sơnăm au, rong rôp ka hơdang, rong kon tơrong hơnơ̆ng tơ jră mŭh măt hăm lơ tơdrong tơnap tap, tơdrong long: Trŭh lơ̆m pơyan ‘mi kial hơbŭt hơbông, tŏ ‘mi kial tơplĭh, tơdrong hơmơt đei pơrang jĭ pơrăm tôch kơtang; mă kăl ‘nŏh tơdrong jĭ hơbŭh Covid-19 pơrăm kơtang hlôi pơm kơnê̆ kơtang tơdrong jang rong, pơm tơlĕch păng tech mơdro ‘nhĕm kon tơrong, ka hơdang. Dơnŏ anĭh tơm vei lăng chŏh jang sa păng atŏk tơ iung tơring tơrang athei Dơnŏ anih vei lăng kon pơlei rim dêh char, pơlei tơm găh Trung ương akŏm dăr lăng tơdrong rơvơn chă rong, tơdrong 'lơ̆ng găh yŏng rong, tơmam drăm hiĕm, hơmet pơ ‘lơ̆ng cham char; dôm tơdrong găh hơdroong rong, hơdau rong ka hơdang vă atŏk tơ iung ƀlep hăm trong tơlĕch jang.

Tơblơ̆ nơ̆r: Amazưt