VOV4.Bahnar - Hăm tơdrogn drơ\ng nơ\r đơ\ng kon pơlei 13 hơdrung hơdre\ch tơ\ tơring, xăh Ea Drông, minh xăh tơnap tap hloh kơ th^ xăh Buôn Hồ, dêh char Dak Lak, hlôi jang đei jơnei 10 tơdrong tơchơ\t pơjing tơring pơxe\l ‘nao.   

Jăl trong pơlei Trap, xăh Ea Drông, ataih hloh 1 km, trong vih vơ\t tơnap tap mă lei pă đei [ôh trôk trăp tơblơ\r nhen adrol ki bơih. Jăl trong man bê-tông tơpăt rok kiơ\ trong krang noh jơhngơ\m tơgop đơ\ng mih ma duch nă pơlei Trap păng minh păh tơdrong tơgu\m đơ\ng teh đak. ‘Nâu duh jing jăl trong mă blu\ng tơ\ tơring pơxe\l ‘nao Ea Drông, đei man ăh blu\ng xơnăm 2014, hăm tơdrong drơ\ng nơ\r tơnăp đơ\ng 22 unh hnam kon pơlei Êđê erih rok kiơ\ jăl trong. {ok Y Hỗn Mlô, oei tơ\ pơlei Trap, xăh Ea Drông ăn tơbăt: “Bơ\ jăl trong âu 70% noh yuơ kon pơlei, 30% noh teh đak tơgu\m xi-măng hăm tơmo. Kon pơlei kơdih chă pơ ‘nguah jih trong, pho\ noh [ơm tơm [ơr, tơm cà phê noh mih ma duch nă adoi drơ\ng. Găh jên axong man mă blu\ng, rim unh hnam tơgop 1 triu hlak jên, đơ\ng ro\ng kơ noh klă jên tơmam ming man ưh kơ tôm, noh kho\m tơgop 400 dơ\ng, dang rim unh hnam noh 1 triu 400 rơbâu hlak jên. Bơ\ jăl trong âu noh kon pơlei phiơk kơ jơhngơ\m dêh”.  

Đơ\ng trong mă mih ma duch nă tơ\ pơlei Trap pơm jang, 2 xơnăm kơ âu, hlôi đei dôm j^t jăl trong man bê-tông ‘nao đei tơle\ch ja# pơlei pơla lơ\m xăh Ea Drông.  Trong nơnăm [ônh hiôk, tơdrong erih mu\k drăm kon pơlei adoi đei hơto\k, um ai tơring pơxe\l roi năr roi tơplih. {ok  Y Gut Niê, oei tơ\ pơlei Tung Krăk, xăh Ea Drông tơroi: “Khei năr adrol ki vih vơ\t tơnap tap, mă hăt noh ăh ‘năr ‘mi, pơđ^ gre choh păng gre hon-đa adoi ưh kơ gơh vih vơ\t. Dang ei gơnơm đei tơdrong jang pơjing tơring pơxe\l ‘nao, đei teh đak tơgu\m, atu\m hăm kon pơlei tơra jên păng jơhngơ\m jang, noh nhôn hlôi man đei trong bê-tông, vih vơ\t hiôk hian hloh. Đơ\ng tơdrong kon hơ ioh năm ho\k, truh tơ\ năm bơ\ jang tơ\ mir, gre choh, gre hon-đa vih vơ\t hiôk hian đe\ch”.

Yă H’Blỗn Niê Kriêng, Kơdră Anih vei lăng kon pơlei xăh Ea Drông ăn tơbăt, âu jing tơring tơnap tap hloh kơ th^ xăh Buôn Hồ, [ơ\t oei truh 22% kơxo# unh hnam hin dơnuh. Xăh đei 13 hơdrung hơdre\ch ‘nho\ng oh atu\m erih xa, 80% kơxo# măt kon pơlei kon kông. Mă mu\k drăm oei tơnap tap, mă lei hăm tơdrong drơ\ng nơ\r đơ\ng kon pơlei, truh dang ei, Ea Drông hlôi đei jơnei 10 tơdrong tơchơ\t kơ teh đak găh pơjing tơring pơxe\l ‘nao. Dôm tơdrong tơchơ\t ưh kơ đei gơnơm lơ\m jên axong, pơtih nhen pơjing anih jang ch^nh tr^, vei xơđơ\ng tơpôl... xăh adoi jang tơnăp, mă adrol ki, âu jing minh tơring ưh kơ đei xơđơ\ng kơ dêh char Dak Lak găh pơm tơxu\l tơxa\l tơpôl, kơdâu glăi găn xơlam teh.  Yă H’Blỗn Niê Kriêng ăn tơbăt:  “Êa Drông jing minh xăh tơnap tap găh mu\k drăm - tơpôl. Tơchơ\t pơjing tơring pơxe\l ‘nao, tơdrong mă blu\ng noh xăh hơto\k pơtho tơroi vă kon pơlei băt hơdăh, tơring pơxe\l ‘nao mă tơ ‘ngla noh kơdih po kon pơlei păng duh yuơ đơ\ng kon pơlei pơyua, kon pơlei ưh kơ đei gô tơdrong tơgu\m đơ\ng teh đak. Truh dang ei kon pơlei hlôi băt hơdăh găh tơdrong pơkăp pơjing tơring pơxe\l ‘nao gô pơyua hiôk thoi yơ lơ\m tơdrong erih kơdih po unh hnam păng pơlei pơla. Đơ\ng noh, mih ma duch nă drơ\ng nơ\r pơih jăl trong, tơgop jên hu, jơhngơ\m vă man trong bê-tông lơ\m pơlei, păng ưh kơ đei le# trong năm jang tơ\ mir trôk trăp nhen adrol ki bơih, pơtho dih băl hơnơ\ng pơ ‘nguah vă jăl trong vih vơ\t gơh rơgoh hiôk hian.

Lơ\m khei năr tơblăh vang, kon pơlei Êđê hlôi tơguăt atu\m hăm khul linh păng kon pơlei ja#p teh đak yak hloh tơnap tap, tơblăh tơpuh ayăt tơgar, pơjei io\k tơdrong rơngei ăn hơdrung hơdre\ch. Lơ\m tơdrong pơjing tơring pơxe\l ‘nao dang ei, [ơ\t rim bơngai atu\m jơhngơ\m hăm teh đak, tơpă mơ\n pơlei pơla Tây Nguyên gô jang đei jơnei dôm tơdrong tơchơ\t hơto\k mu\k drăm tơpôl, hơto\k tơdrong erih ăn kon pơlei.

Lan chih păng rapor