VOV4.Bahnar  – Kiơ̆ xơkơ̆t đơ̆ng anih juăt jang, lơ̆m khei năr truh, hơbŏ tơdrong jĭ đuh hơkar lĕch pơplei hăm kơpô rơmo tơ̆ Gia Lai gô pơtoi kơyuơ ưh đei hơlen tang găn đei tơdrong tơm pơjing jĭ. Tơdrong jĭ đuh hơkar lĕch pơplei hăm kơpô rơmo đei xơkơ̆t tơpoh đơ̆ng roi xơmĕch kăp trep pham noh tơdrong hơlen jing tơnap tap. Gia Lai jing tơring đei lơ kơpô rơmo hloh lơ̆m tơring Tây Nguyên păng dơ̆ng mă 2 lơ̆m jâ̆p teh đak hăm hloh 431 rơbâu tŏ. Mă jing tơring đei kơpô rơmo lơ, mă lei tơm noh kon tơrong răh rai, rong tơ 'nglaih lơ̆m cham char păng tơring vei rong ưh đei rơgoh 'lơ̆ng, lơ̆m kơplăh noh jĭ đuh hơkar lĕch pơplei tơpoh dih băl kiơ̆ roi xơmĕch kăp trep pham. 'Nâu jing minh lơ̆m dôm tơdrong tơnap tap, tơhlăk tơhlĭn ăn tơdrong jang tang găn păng tơjră jĭ lơ̆m dêh char. Yuơ noh, tơdrong tơroi tơbăt vă kon pơlei hlôh vao hơdăh găh tơdrong jĭ đuh hơkar lĕch pơplei, vă đei trong tang găn tơnăp kăp gĭt păng đei hơtŏk jang pran hloh.

Lan chih păng pơre nơ̆r