VOV4.Bahnar – Tam mă truh 1 khei đơ̆ng pơrang jĭ hơbuh, jĭ đuh pơplei hơkar hăm kơpô rơmo tơ̆ Gia Lai hlôi lang xă truh 35 xăh, phương, thĭ trâ̆n tơ̆ 7 tơring lơ̆m jâ̆p dêh char.

           Anih jang Thŭ y dêh char Gia Lai ăn tơbăt, jô̆ truh năr 23/6, tơring đei 846 tŏ kơpô rơmo kơ hloh 500 unh hnam tơ̆ 35 xăh, lơ̆m 6 apŭng păng plei tơm Pleiku ƀơm pơrang. Lơ̆m noh, 31 tŏ hlôi lôch, jô̆ hơlen tơdrong răm truh kơ hrĕng trĭu hlj. Apŭng Chư̆ Sê hăm 10 anih hơbuh pơrang păng apŭng Kông Chro hăm 9 anih hơbuh pơrang jing dôm tơring tơpoh lang xă tenh hloh. Anih jang Thŭ y Gia Lai hlôi jang atŭm hăm dôm tơring hơvơn kon pơlei răt păng ƀet pơgang bơ̆ng jĭ  hloh 500 rơbâu kơliu vaccine bơ̆ng jĭ ăn kơpô rơmo; axong hloh 4000 lit pơgang pruih pơlôch xơmach tơ̆ dôm tơring hơbuh pơrang. Anih jang Thŭ y dêh char Gia Lai akhan, pơrang đuh pơplei hơkar hơbŏ pơtoi lang xă tenh, noh kon pơlei athei tơlĕch tơtenh dôm trong jang tang găn, hơmet jĭ vă vei xơđơ̆ng ăn kon tơrong.

Lan chih păng pơre nơ̆r