VOV4.Bahnar - Kiơ̆ kơ Anih vei lăng găh vei rong kon tơ rong păng Thú y dêh char Gia Lai, đơ̆ng rŏng 5 khei tơ lĕch jang dôm trong jang kơ tang tang găn jĭ hơ kar pơ plei tơ̆ rơ mo kơ dêh char, jĭ âu hlôi đei tang găn kĕ. Jĭ hơ kar pơ plei đei ƀôh tơ̆ rơ mo tơ̆ Gia Lai đơ̆ng hơ tuch khei 5/2021 pơ dui đunh truh dang ei, hăm hloh 20rơ bâu tŏ jĭ.

Hăm lơ tơ drong hơ drin tang găn - hơ met jĭ, anih jang Thú y Gia Lai hlôi hơ met klăih ăn kơ 18 rơ bâu tŏ, soh hŭt hloh 2 rơ bâu tŏ păng lăp oei pă 20 tŏ tŏk bŏk hơ met. 98 xăh lơ̆m 13 apŭng, thị xã, pơ lei tơm tơ̆ dêh char hlôi tơ lĕch tơ drong tơ chơ̆t ưh pă đei jĭ bơ̆ih.