VOV4.Bahnar - Dơ nŏ anih vei lăng kon pơ lei plt Hà Nội ‘nao tơ lĕch trong ăn oei hơ drô̆, vei lăng, khăm hơ met jĭ tơ̆ hnam hăm bơ ngai jĭ Covid-19 tơ̆ plt. Kiơ̆ kơ ‘nŏh, bơ ngai đei ăn vei lăng tơ̆ hnam ‘nŏh jĭ bơ ngai jĭ Covid-19 ưh đei yuh, hiĕn, dăh mă jĭ da ƀiơ̆; Bơ ngai jĭ ưh đei ƀôh jĭ lơ̆m tơ sŏh dăh mă ưh kơ măh oxy. 

Dôm tơ drong hơ găt găh anih, tơ mam yoa kăl, nơ̆r athei hăm bơ ngai oei hơ drô̆ tơ̆ hnam, bơ ngai oei hơ dai, kăn ƀô̆ jang pơ gang păng dôm anih jang đei ƀơm truh athei pơm kiơ̆ tơ drong hơ găt đơ̆ng Anih tơm vei lăng jang pơ gang. Mưh bơ ngai jĭ Covid-19 (F0) ‘mĕh oei hơ drô̆ tơ̆ hnam athei pơm hla; đei khul truh hơ len, anih pơ gơ̆r jang tang găn jĭ tơ̆ xăh, phường, thĭ trơ̆n tơ lĕch tơ drong tơ chơ̆t ăn oei hơ drô̆ tơ̆ hnam hăm bơ ngai jĭ F0.

Dơ̆ng: Tơ blơ̆