VOV4.Bahnar - Hơ tơ tăm chă trong jang hơ to\k tơ iung mu\k drăm, u\nh hnam mo\ H’Lê Êban tơ\ plei Tuôr A, xăh Dray A Sap, apu\ng Krông Ana, de#h char Dak Lak hlôi tơ ge\ch io\k dôm tơ drong ‘lơ\ng tơ\ tơ ring, tơ le\ch trong rong rơ mo yo\ng hơ nhăk ăn io\k yua kơ jăp. Gơ nang đơ\ng rong rơ mo hnam mo\ gơ\h klăih đơ\ng dơ nu\h hin, 1 sơ năm đei io\k yua tru\h kơ hre\ng triệu hlak jên.

Bơ ngai ie\ tơ khe\l, akar to\ sa, pơ ma sa rơ hau, hơ lăng đơ\ng mo\ H’Lê Êban tơ [o#h he# tơ drong pơ nam, hơ drin đơ\ng bơ ngai dro\ kăn pơ\n tơ che\ng pơ\n jang. Tơ\ hơ năp hnam ‘lơ\ng ‘nao man hăm tôm te\ch bơ\n tơ mam yua, mo\ H’ Lê hiơ hie\k: đ^ đăng adoi gơ nang đơ\ng rong rơ mo yo\ng ngăl. Vă đei đăi jơ nei nhen năr ‘nâu, u\nh hnam mo\ hlôi yak hlo\h tôch kơ lơ mơ mat tat, yua kơ te\h cho\h jang sa to\ se\t, mă ư\h kơ măh jên jang đơ\ng. Mo\  H’ Lê tơ roi tơ băt: “Sơ\ tơ drong ar^h sa mu\k drăm u\nh hnam nhôn tơ [ơ\p lơ mơ mat tat, kơ [a\h kơ [ôch, ^nh hlôi hơ drin chă pơ tăm lơ kơ loăi ‘long pơ tăm vă tơ chă ar^h mă lei tơ drong pơ tăm ‘long io\k yua ư\h kơ đei dôm yơ. Hăm đon tơ che\ng vei rong kon tơ rong ie\, le\h, kho\m kho\m ^nh hlôi pơ\n jang kiơ\ tơ drong jang vei rong rơ mo. Đơ\ng tơ drong rong rơ mo âu, ^nh [o#h mu\k drăm u\nh hnam nhôn to\k lơ pơ têng hăm hơ drol sơ\”.

Blu\ng a, u\nh hnam mo\ H’Lê to\k io\k jên an^h mong jên tơ gu\m tơ pôl 20 triệu hlak jên, ako\p hăm kơ so# jên mong, tơ mơ\t jên jang răt 2 to\ rơ mo yo\ng. Hơ drin vei lăng, păng ho\k pơ hrăm tơ mơ\t yua tơ drong hlo#h vao rong rơ mo đơ\ng rim lăp pơ hrăm yua đơ\ng xăh pơ gơ\r, kơ na rơ mo u\nh hnam mo\ ling lang pran jăng. Lăp đơ\ng ro\ng 2 sơ năm, u\nh hnam mo\ hlôi đei rơ mo 6 to\. Mo\ pơ\n tơ mơ\t jên jang pơm hơ drong, pơ tăm ‘nhe\t pơm tơ mam sa ăn kơ rơ mo. {o#h 2 ‘nu klo kăn đei hơ drin jang sa, mo\ klo sư oei tơ\ apu\ng Cư Jút, de#h char Dak Nông, hlôi răt dơ\ng 9 to\ rơ mo yo\ng ăn kơ u\nh hnam mo\ H’Lê rong, hăm trong 1 sơ năm đei klăih song 1 puăt kơ so# rơ mo kon đei tu\h. Tơ drong vei rong roi ‘năr roi pơ\ih xă, rơ mo thoi no\h no\ng kơ to\k thim bơ\ih. ‘Nho\ng Phạm Viết Thắng, klo mo\ H’ Lê tơ roi:“{ơ\t mơ\t tơ\ âu 2 ‘nu klo kăn nhi ư\h kơ đei kiơ, klo kăn nhi tơ pang ti ho\h oei băl jang sa khu\m kho\m đei to\k. Mo\ ^nh đơ\ng Cư Jút tơ gu\m 9 to\ rơ mo rong, 1 sơ năm tu\h 8 tru\h 9 to\ kon, le# rơ mo kon thoi no\h đang kơ ‘no\h klăih song hơ to\ băl, no\ng thoi no\h rơ mo no\ng kơ to\k dar de\h tru\h dôm j^t to\. Đơ\ng ro\ng kơ ‘no\h ^nh te\ch dôm to\ tơ mơ\t jên jang rong 20 to\ nhu\ng, mă đei pơ rang j^ hla đon jơk. Đơ\ng no\h u\nh hnam ư\h pă rong nhu\ng dơ\ng bơ\ih, ako\m rong hlo\h j^t to\ rơ mo.” 

Vei lăng sơ đơ\ng tơ mam hie\m tôm ăn kơ rơ mo, u\nh hnam mo\ H’Lê hlôi thuê thim te\h pơ tăm ‘nhe\t rong rơ mo, păng răt hơ nong [a mong răk ăn kơ rơ mo sa dar de\h. Mo\ năm tơ\ rim an^h ot ba tơ\ tơ ring, răt đơ\k bro\k hrâu hăm ‘nhe\t vă tơ mơ\t thim kơ chơ\t [ôt vă kơ ro mo pran jăng, bek ‘lơ\ng. Gơ nang đơ\ng rơ mo lơ, mă u\nh hnam mo\ hlôi đei jên vă răt dơ\ng te\h pơ tăm 500 jrăng tiu, tơ mơ\t jên jang vei lăng 8 sao che\h phe pơ tăm hơ lam tiu. Hơ dro# ^ch rơ mo, ‘ngoăih tơ drong yua vă vei lăng ‘long pơ tăm kơ u\nh hnam, kơ so# uơ oei dơ\ng mo\ te\ch ăn kơ rim an^h te\ch mơ dro rim sơ năm ku\m io\k đei hlo\h 40 triệu hlak jên. 

Đei mu\k drăm pơ đom, klo kăn mo\ H’Lê hlôi man đei hnam ‘lơ\ng, răt tôm tơ mam yua, păng vei lăng ăn kơ kon hơ ‘lơ\p ho\k pơ hrăm. Mo\ ku\m vang pơ tho tơ drong hlo#h vao jang sa ăn kơ kon pơ lei lơ\m pơ lei, tơ gu\m dôm u\nh hnam dơ nu\h hin jên jang ư\h kơ đei io\k jên lơi hăm ‘me\h vă rim ‘nu bơ ngai ku\m gô klăih đơ\ng dơ nu\h hin yak hlo\h pơm pơ dro\ng lei lăi sư. {ok Điểu Y Kơ,  [ok pơ gơ\r pơ lei plei Tuôr A, xăh Dray A Sáp, apu\ng Krông Ana, tơ roi găh tơ drong pơm pơ dro\ng đơ\ng u\nh hnam mo\ H’Lê: “&nh [o#h tơ drong jang vei rong rơ mo păng pơ tăm ‘nhe\t kơ u\nh hnam mon tôch kơ jơ nei. Gơ nang đơ\ng pơ nam, hơ drin, jang kiơ\ ki thuơ\t kơ na mu\k drăm mon hơ to\k tơ iung [o#h hơ dăh. ‘No\h j^ 1 lơ\m dôm bơ ngai jang sa hơ gei vă kơ kon pơ lei lơ\m pơ lei pơ la lăng kiơ\. Găh tơ drong jang tơ pôl, u\nh hnam mon ling lang vang jang tôm, tôch kơ tơ năp lơ\m tơ drong vang tơ gop jên jang rim sơ năm kơ xăh păng ling lang dơ\ng hơ drol lơ\m pơ lei”.   

            Tơ drong jang rong rơ mo yo\ng đơ\ng u\nh hnam mo\ H’ Lê mă khan ư\h kơ ‘nao ră mă lei gơ nang đơ\ng pơ nam hơ drin, tơ mơ\t yua khoa ho\k ki thuơ\t kơ na io\k yua mu\k drăm tôch kơ ‘lơ\ng. ‘Me\h akhan, kon pơ lei tơ\ rim pơ lei pơ la ku\m băt trong tơ ge\ch io\k dôm tơ drong ‘lơ\ng hlôi đei tơ\ tơ ring vă hơ to\k tơ iung mu\k drăm u\nh nnam, klăih đơ\ng dơ nu\h hin păng hơ drin pơm pơ dro\ng lei lăi nhen mo\ H’Lê.

          Thuem tơ blơ\