VOV4.Bahnar - Bơ\ jang kiơ\ tơ drong jang đoan hơ dru\h tơ dăm, lơ\m sơ năm ‘nâu, Đoan Ko\ng ti jang găh u\nh điên Dak Lak hlôi tơ le\ch lơ tơ drong jang ‘lơ\ng, sơng đei lơ lap đoàn viên păng rim chi đoàn kơ an^h jang vang jan. Vă đ^ đăng rim tơ drong jang âu adoi tơ klep hơ dai hăm tơ drong jang joăt jang, tơ gu\m an^h jang đang rim tơ drong jang pơm tơ le\ch te\ch mơ dro.  

Kiơ\ kơ [ok Phạm Quốc Tiến, pho\ kơ dră vei lăng an^h jang u\nh điên Dak Lak, đơ\ng blu\ng sơ năm tru\h dang ei chi đoàn hơ dru\h tơ dăm hlôi tơ le\ch jang lơ ‘măng pơ jei băl tơ klep tơ drong jang joăt jang, tơ je# hăm tơ drong yan âu tơ\ tơ ring. Mă loi ‘no\h, lơ\m tơ roi tơ băt yua u\nh điên sơ đơ\ng, dăr hơ len tơ drong yua u\nh điên đơ\ng tơ moi, k^ dơ\ng rim hla ar răt te\ch u\nh điên hlo\h khei ‘năr hơ găt, đoàn viên hơ dru\h tơ dăm ling lang năm hơ drol: Trong jang đơ\ng ko\ng ti pơ jao ăn kơ rim chi đoàn hơ dru\h tơ dăm kơ rim an^h jang u\nh điên păng đei rim chi đoàn jang u\nh điên vang jang tôch kơ ‘lơ\ng. Găh tơ mam păng kơ măy kơ mo\k ‘no\h gô năm hơ len lăng hơ drol ăn kơ rim u\nh hnam, u\nh hnam ‘no\h hơ met ming kăl dôm yơ kơ [o\ng u\nh điên, kăl pơm dôm tơ drong kiơ, pơm 1 kơ [ang ch^h jo# păng nhôn gô ap^nh ko\ng ti vă pơ tru\h dôm tơ mam âu. Păng gô rơ\ih io\k dôm năr pơ dơ\h, năr drâu, năr pơ\h, hơ vơn đoàn viên hơ dru\h tơ dăm kơ chi đoàn an^h jang u\nh điên Dak Lak jang hơ dai hăm khu\l hơ dru\h tơ dăm kơ ko\ng ti, khu\l gru\p kơ pal gô jang hơ dai păng klăih song băl rim ‘nho\ng o\h vă hơ met ăn kơ dôm u\nh hnam păng tơ pl^h dôm tơ mam hư ăn kơ rim u\nh hnam kon pơ lei.

An^h jang u\nh điên cho# hơ met u\nh điên ăn kon pơ lei

M^nh lơ\m dôm tơ drong jang ‘lơ\ng đei tơ le\ch jang ‘no\h j^ lơ\m khei 7 sơ năm ‘nâu, Chi đoàn hlôi jang hơ dai hăm Đoàn tơ ring tơ le\ch jang hơ met ming u\nh điên ăn kơ 50 u\nh hnam bơ ngai Mnông tơ\ plei Dơng Kriêng - Thị trấn Liên Sơn. Hơ dai hăm ‘no\h, rim đoàn viên hlôi tơ roi tơ [o#h trong yua u\nh điên ‘mơ ‘met, sơ đơ\ng păng đei io\k yua, tơl tơ blang nơ\r ap^nh, dôm tơ drong găh yua u\nh điên ăn kon pơ lei. Mo\ H’Nhưm Rơn Ji, plei Dơng Kriêng, thị trấn Liên Sơn, apu\ng Lắk, de#h char Dak Lak, 1 lơ\m dôm u\nh hnam đei hơ met ming păng tơ pl^h u\nh điên, tơ băt: Đunh kơ âu u\nh điên u\nh hnam nhôn so đ^, trong tơ ley lơ\m hnam ư\h kơ sơ đơ\ng. Năr ‘nâu gơ nang kơ đe ‘nho\ng găh an^h jang u\nh điên năm hơ met đe\ch, u\nh hnam nhôn chơt hơ iă de#h. Bơ nê kơ an^h jang u\nh điên hlôi tơ gu\m u\nh hnam nhôn.

Tơ\ lơ khei ‘năr lơ\m sơ năm, rim đoàn viên hơ dru\h tơ dăm an^h jang găh u\nh điên Dak Lak bơ\ jang ư\h kơ đei năr pơ dơ\h. Năr drâu, năr pơ\h gơ\h đei ‘măn jơ vă hơ len lăng tơ\ rim an^h biến áp hăm tơ drong dăr hơ len tơ drong pơ klep, pơ klep chì, dăr hơ len ko\ng tơ pơ yua ăn  pơm tơ le\ch; dăr hơ len rim an^h biến áp đei hiong lơ păng ư\h kơ ‘lơ\ng; rim trong tơ ley hạ thế găh rim an^h biến áp tơ\ tơ ring tam mă tơ mơ\t jên jang hơ met ming. Lơ\m khei 9 păng khei 10 âu ki, lơ\m dôm năr drâu, Chi đoàn an^h jang u\nh điên Dak Lak hlôi jang hơ dai hăm an^h jang te\ch mơ dro – ako\m pơ gơ\r năm k^ hla ar răt te\ch u\nh điên đ^ khei ‘năr hơ găt gơ\h yua lơ\m Thị trấn Liên Sơn păng xăh Đắk Liêng. Kiơ\ đơ\ng no\h, tơ gu\m k^ pơ kăp hlo\h 2.500 hla ar te\ch mơ dro u\nh điên. Chă [o#h păng pơm hla ar biên bản 45 ‘nu tơ moi pơm glăi yua u\nh điên, ako\p kơ so# jên thu io\k vă je# 56 triệu hlak jên. {ok Phạm Quốc Tiến, pho\ kơ dră vei lăng an^h jang u\nh điên Dak Lak hơ len lăng, rim tơ drong jang đơ\ng Chi đoàn hlôi tơ gop ‘lơ\ng lơ\m tơ drong bơ\  jang kiơ\ tơ drong jang joăt jang đơ\ng an^h jang, tơ gop jang đang rim tơ drong hơ găt pơm tơ le\ch te\ch mơ dro đei pơ jao./.

H Xíu: Ch^h

Thuem: Tơ blơ\