VOV4.Bahnar - Pơ tăm pơ mur rong hơ drông pơm brai ‘no\h j^ tơ drong jang joăt joe đơ\ng sơ tơ\ te\h đak bơ\n pơ ma atu\m, de#h char Lâm Đồng pơ ma hơ dro#, mă lei hăm bơ ngai K’Ho oei tơ\ xăh hơ tăih hơ to\ Đạ M’Rông, apu\ng Đam Rông ‘no\h j^ tơ drong jang tôch kơ nao. Hăm hơ drin pơ jing tơ drong jang sa, hơ to\k io\k yua ăn hơ dru\h tơ dăm, ‘nho\ng Ndu Ha Eo – Bí thư Chi đoàn plei Liêng Krắc 1 pơ\n pơ jing gru\p ạng hơ dai pơ tăm pơ mur – rong hơ drông pơm brai, hơ nhăk ăn io\k yua hơ dăh ‘lơ\ng.

Iung đơ\ng tep tơ\ 1 an^h tôch kơ hơ tăih, tu đak krong Nô ‘lơ\ng hơ iă, tơ til băl đơ\ng 2 de#h char Dak lak păng Lâm Đồng. Lơ\m hnam tơ\l hmă, tơ\ plei Liêng Krắc 1, xăh Đạ M’rông, apu\ng Đam Rông (de#h char Lâm Đồng), lăp kơ tơ\ng re kre\h kro\h hla pơ mur tơ ‘ngit băl hrâu hăm nơ\r ie\r o\ pơ gê. Bơ ngai tơ dăm K’Ho Ndu Ha Eo to\k bo\k hăt hot plơ\ hla pơ mur, săy ăn hơ drông pơm brai sa mư\h hơ drol kơ ‘năr hơ dăh; [lep ‘no\h j^ “rong nhu\ng sa khuơ\ tơ\ hơ drong, rong hơ drông sa măh pơ hual hloi”.  “Sơ\ ^nh tam mă đei băt trong jang mu\k drăm thoi âu. Sơ\, [o#h mu\k drăm u\nh hnam ư\h kơ đei vei sơ đơ\ng, yua thoi no\h đơ\ng ro\ng kơ ^nh băt trong jang ‘nao âu đei io\k yua [iơ\ pơ têng hăm pơ tăm hơ [o, [a, jang ư\h kơ măh sa, ‘no\h ^nh hlôi pơ long pơ tăm ‘long pơ mur rong hơ drông pơm brai, đơ\ng ro\ng ‘no\h ^nh krao hơ vơn kon pơ lei, hơ dru\h tơ dăm lơ\m tơ ring vang tơ mơ\t yua trong pơ tăm ‘long pơ mur rong hơ drông pơm brai vă hơ met ‘lơ\ng tơ drong ar^h sa.”

Pơ tăm pơ mur rong hơ drông pơm brai ‘no\h j^ tơ drong jang joăt joe đơ\ng sơ\ bơ\ih ră, mă lei hăm kon pơ lei kon kông tơ\ xăh hơ tăih hơ to\ Đạ M’rông, apu\ng Đam Rông (de#h char Lâm Đồng) ‘no\h j^ tơ drong jang ‘nao. Đơ\ng 3 sao pơ mur pơ tăm pơ long lăng blu\ng a hơ nhăk ăn io\k yua mu\k drăm lơ, ‘nho\ng Ndu Ha Eo hlôi pơ đâu hăm u\nh hnam hơ nơ\ng hơ met ming 8 sao pơ gar pơ tăm lơ ‘long jing pơ gar pơ mur jing ‘lơ\ng. ‘Nâu j^ tơ mam sa măh mai ăn hơ drông lơ\m khei, ăn io\k yua 150k^ tơ pu hơ drông. Đơ\ng ro\ng jo# đ^ jên jang, rim khei u\nh hnam Ndu Ha Eo lơi dang 25 triệu hlak jên.

Trong nơ năm, hơ bong thong đak plei Liêng Krắc 1

Tơ pơ gê pơ yan to\ Tây Nguyên to\ hlơ hle\ng, mă lei kơ dơ pơ mur tơ\ tơ ring bri kông Đạ M’rông, apu\ng Đam Rông oei jing [l^k [lăk. Ndu Ha Eo chông ba nhôn năm ngôi tơ\ u\nh hnam mo\ Buôn Krông K’Loan.

Tơ\ âu, K’Loan ku\m hăm 2 ‘nu mo\ o\h Đa Cắt K’Siên păng Đa Cắt K’Tuyên oei pơ đeng pơ ma dơ nu\h, vang tơ roi tơ drong hlo#h vao pơ tăm pơ mur – rong hơ drông pơm brai. Hnam să dang 50m2 đei pơm pe\ng yua hơ drao kơ mu\ng kok. Tơ\ lăm, dôm hơ drơ\l rong hơ drông păng an^h le# hla ku\m thoi no\h, vă găn bơ\n kơ lep ler mơ\t. Mo\ K’ Loan tơ băt, hlôi đei dôm ‘măng rong ư\h kơ đei yua kơ le# roi mơ\t che\h kơ tăp, dang ei ‘nho\ng o\h băt vă vei lăng io\k yua jang sa. “Sơ\ tơ drong pơ tăm hơ [o, [a đak plei to\ se\t, kon pơ lei ư\h kơ măh so\ng sa. Đơ\ng năr đei ‘nho\ng Ha Eo tơ gu\m, pơ tho hơ dru\h tơ dăm lơ\m pơ lei pơ tăm pơ mur rong hơ drông pơm brai ‘no\h tơ drong ar^h sa kon pơ lei ku\m nhen hơ dru\h tơ dăm lơ\m pơ lei âu hơ to\k tơ iung [iơ\. Đei rơ kăh đơ\ng tơ drong pơ tăm pơ mur rong hơ brông pơm brai, u\nh hnam nhôn răt pho\ng,tơ mơ\t jên jang vei lăng lơ\m chu\n na [a đak, pơ tăm thim hơ [o. Hơ dru\h tơ dăm lơ\m pơ lei ho\k pơ hrăm thim trong jang sa tôch kơ lơ đơ\ng ‘nho\ng Ha Eo. Đei ‘nho\ng pơ tho tơ năp, che\p ti tơ [o#h jang, tơ gu\m hơ dru\h tơ dăm roi ‘năr roi hơ gei”.

Ndu Ha Eo jang hơ drol lơ\m tơ drong jang pơ tăm pơ mur rong hơ drông pơm brai

Pơ tăm pơ mur – rong hơ drông pơm brai ‘no\h j^ tơ drong jang ‘nao, mă lei hơ dru\h tơ dăm kon kông tơ\ tơ ring hơ tăih hơ to\ Đạ M’rông, apu\ng Đam Rông (de#h char Lâm Đồng) hlôi tơ tom tơ mơ\t yua rim khoa ho\k ki thuơ\t hơ gei. Đe ‘nho\ng o\h hlôi băt rong hơ drông pơm brai tơ\ hơ drơ\l pơ sey, rôp hơ drông ăn tơ\ tơ năr tơ\r, tơ pl^h ăn tơ drong rong hơ drông pơm brai tơ\ sêng păng tơ năr kram joăt joe. Gơ nang thoi no\h, hoei kơ hoach năr tơ pl^h ^ch hơ drông pơm brai rim năr. Tơ năr tơ\r đei pơm chơ chho\m hơ dro# băl, măh ăn kơ 1 pôm hơ drông pơm tơ pu, ư\h kơ đei [o#h tơ drong “ tơ pu kơ mar”, “ tơ pu 3 to\”. Hăm 5 triệu hlak jên, pơm đei 4 hơ drơ\l pơ sey, măh rong 1 kơ hôp hơ drông kon. 1 ‘măng io\k đei 50k^ tơ pu, te\ch đei dang 6 triệu 500 rơ bâu hlak jên.

Dôm tơ drong jang đơ\ng hơ dru\h tơ dăm plei Liêng Krắc 1, xăh Đạ M’rông ling lang đei Kră pơ lei Bon Yông Ha Bông bơ ngơ\t tru\h hơ len lăng, pơ lung jang. {ok tơ băt, ku\m hăm pơ tăm pơ mur – rong hơ drông pơm brai hơ nhăk ăn io\k yua mu\k drăm ăn rim u\nh hnam, hơ dru\h tơ dăm lơ\m pơ lei oei hơ drin pơ gơ\r lơ tơ drong jang, tơ gop pơ jing tơ ring tơ rang ‘nao. “Khu\l hơ dru\h tơ dăm pơ lei hlôi băt pơ lung jơ hngơ\m đon [ok yă, me\ [a\ pơ lei pơ la hơ to\k tơ iung. Ha Eo ‘no\h j^ Bí thư Chi đoàn, j^ 1 ‘nu bơ ngai băt bơ ngơ\t ăn khu\l tơ pôl, ăn khu\l jang Đoàn, jang tôch kơ tơ năp vă tơ gop pơ jing pơ lei pơ la. Lơ\m no\h, trong tơ ring tơ rang ‘no\h j^ yua đơ\ng khu\l hơ dru\h tơ dăm vei lăng, athei vei rơ go\h trong năm rông [ôt. Rim gie\ng lơ\m năr drâu, dăh mă 1 khei 2 ‘măng khu\l hơ dru\h tơ dăm kơ Chi đoàn pơ gơ\r dônh râm re\k, vei rơ go\h atu\m lơ\m pơ lei pơ la hơ nơ\ng pơ jing tơ ring tơ rang ‘nao.”

Gru\p jang hơ dai rong hơ drông pơm brai plei Liêng Krắc 1 pơ ma dơ nu\h tơ drong hlo#h vao trong jang sa

Oei ‘nho\ng Buôn Krông Ha Nỗ, sơ\ ‘no\h Bí thứ đoàn xăh Đạ M’rông, dang ei ‘no\h kang [o# đoàn apu\ng Đam Rông, de#h char Lâm Đồng ‘no\h chhôk hơ iă jơ hnơr đe o\h pơ lei pơ la sư hlôi đei [o#h kơ sơ\ lơ. Gru\p jang hơ dai pơ tăm pơ mur rong hơ drông pơm brai tơ\ plei Liêng Krắc 1 ‘no\h j^ tơ drong jang tơ iung tơ drong jang sa lăp păng đei yua hăm hơ dru\h tơ dăm tơ ring, kăl kơ đei lang să:  “Tơ drong jang hơ to\k tơ iung mu\k drăm hăm tơ drong pơ tăm pơ mur rong hơ drông pơm brai đơ\ng ‘nho\ng Ha Eo âu mă mônh ‘no\h [ônh kơ io\k vă te\ch đei jên sa rim năr, mă 2 pơ dăr jên ‘no\h hre\nh [iơ\ pơ têng hăm tơ drong pơ tăm che\h phe, hơ [o, pơ tăm [a đak, mă 3 pơ tăm pơ mur rong hơ drông pơm brai ‘no\h io\k yua hơ nơ\ng lơ\m khei ‘năr kơ đe\h. An^h jang đoàn apu\ng nhôn bơ\ jang hăm rim an^h mong jên nhen an^h mong jên tơ gu\m tơ pôl,  an^h jang găh cho\h jang sa vă pơ dơ\ng to\k io\k jên ăn hơ dru\h tơ dăm pơ jing tơ drong jang sa tơ\ tơ ring, mă loi ‘no\h j^ hơ dru\h tơ dăm pơ jing tơ drong jang sa tơ\ tơ ring hơ tăih hơ to\.

Hlom lơ\m to\k bo\k bri kông, plei Liêng Krắc 1, xăh Đạ M’rông, apu\ng Đam Rông (de#h char Lâm Đồng) jing dreng [l^k gơ nang đơ\ng đak rơ ngơp đơ\ng đak glung Đạ M’rông păng tu đak krong Nô ‘lơ\ng hơ iă. Hơ dai hăm dôm chu\n na, mir hơ [o vei sơ đơ\ng tơ mam sa prăt sơ năm, dang ei kon pơ lei kon kông tơ\ âu oei đei dơ\ng io\k yua ‘nao đơ\ng tơ drong jang pơ tăm pơ mur – rong hơ drông pơm brai. Dôm đe tơ dăm, hơ dru\h K’Ho tơ ring ‘nâu ư\h pă athei năm jang thuê, mă hlôi chă pơ jing tơ drong jang lơ\m te\h kơ d^h kâu, tơ gop pơ jing pơ lei pơ dro\ng ‘lơ\ng ro\.

            Quốc Học - Brọp: Ch^h

          Thuem: Tơ blơ\