VOV4.Bahnar  – Pơgê âu (3/6) tơ̆ Hà Nội, Anih tơm Choh jang xa păng Hơtŏk tơring pơxĕl pơgơ̆r hop akŏm trư̆k tuyê̆n jâ̆p teh đak găh pơklaih tơhlăk tơhlĭn kih thuơ̆t hơtŏk tĕch tơlĕch tơmam choh pơtăm lơ̆m khei năr pơrang jĭ Covid 19 hơbuh hli. Hop akŏm gô pơma đam găh dôm trong jang nhen: pơjing trong jang dơnơm găh tĕch răt tơmam choh pơtăm tơ̆ tơring hơbuh pơrang jĭ; pơklaih dôm tơhlăk tơhlĭn găh chơ tơmam drăm đơ̆ng tơring hơbuh pơrang jĭ năm truh dôm tơring tĕch răt lơ̆m teh đak păng tĕch ăn teh đak đe. Pơklaih tơnap tap găh tơdrong chơ tĕch plei vaih thiều kơ 2 dêh char Bắc Giang păng Hải Dương, Anih tơm Choh jang xa păng Hơtŏk tơring pơxĕl hlôi axong khul kơpal năm pơm jang hăm dôm tơring tơ̆ 'măng xơlam teh păng dôm anih jang tĕch pơdro kơ teh đak Trung Quốc. Atŭm hăm noh hơlen kơjăp tơdrong pơm jang păng axong tơmam choh pơtăm tơ̆ dôm tơring păng hop akŏm pơđăp găh trong tĕch răt tơmam choh pơtăm hăm dôm anih jang mŭk drăm lơ̆m tơdrong pơkăp tĕch lơ̆m teh đak păng ăn teh đak đe.

Lan chih păng pơre nơ̆r