VOV4.Bahnar - Jang kiơ\ tơ drong jang đơ\ng An^h tơm vei lăng khu\l linh te\h đak găh 1 jơ hngơ\m đon pơ jing tơ ring tơ rang ‘nao, lơ an^h jang khu\l linh oei tơ\ Tây Nguyên hlôi đei dôm tơ drong jang hơ dăh ‘lơ\ng. Tơ\ xăh sơ lam Sa Loong, apu\ng Ngọc Hồi, de#h char Kon Tum, ‘nao âu, kon pơ lei bơ ngai Sêdang tôch kơ chhôk hơ iă [ơ\t đei [o# đo#i Ko\ng ti 732, Binh đoàn 15 tơ gu\m pơm trong tơ [ư\h đơ\ng tơ ring kon pơ lei năm tơ\ tơ ring cho\h jang sa. Trong hlôi pơ\ih đei ăn kơ kon pơ lei tơ drong hiôk hơ to\k tơ iung mu\k drăm.  

Pơ gê hro#ih kơ năr hơ tuch khei 4, hlo\h 300 ‘nu kon pơ lei oei tơ\ rim plei Giang Lố 1, Giang Lố 2 păng Đăk Mốt, xăh Sa Loong, apu\ng Ngọc Hồi, de#h char Kon Tum hlôi che\p ba ‘nhik, kơ [eng… vă ako\m pơm trong năm tru\h tơ\ an^h cho\h jang sa tơm kơ kon pơ lei. Akhan ‘no\h trong, mă lei mă tơ pă ‘nâu lăp jing 1 jăl trong nơ năm ie\ ioch yua đơ\ng kon pơ lei pơ\ih đei vă năm tru\h an^h mir ro\h xă 1.500hec tar. Kră pơ lei A Sem, plei Giang Lố 2 tơ roi tơ băt, dôm j^t sơ năm âu kon pơ lei athei năm jơ\ng ho\h lơ\m jăl trong te\h, [um [lang, găr hơ [o, găr [a jang đei adoi athei pu\ tơ\ ro\ng năm hiong vă je# 5km, tôch kơ gle\h hrat. Dang ei đei [o# đo#i Binh đoàn 15 tơ gu\m pơm trong [ê to\ng, kră pơ lei A Sem tôch kơ [rơ\k jơ hngơ\m:“Sơ\, trong âu kon pơ lei năm tôch kơ mơ mat. Ko\ng ti 732[o#h kon pơ lei mơ mat de#h, năm đei bơ ngai pơ\k, bơ ngai rơ ka ku\m đei. Dang ei, Ko\ng ti bơ ngơ\t tru\h kon pơ lei lơ\m pơ lei, răt bơ\n tơ mo chuơ\h si măng vă kon pơ lei man trong âu, kon pơ lei tôch kơ chhôk hơ iă, nhôn tôch kơ bơ nê.”   

Kră pơ lei A Sem yua gre rua tu\h [ê to\ng pơm trong

Vă tơ gu\m kon pơ lei tơ\ xăh Sa Loong pơm trong [ê to\ng, Ko\ng ti 732 hlôi hơ met ăn bơ\n chuơ\h, tơ mo, si măng, tôm vă pơm trong [ê to\ng xă vă je# 1m, kơ jung dang 3km. Vang jang hơ dai hăm kon pơ lei, hlo\h 50 ‘nu kang [o#, khu\l linh, bơ ngai jang kơ Ko\ng ti, đơ\ng kơ dră vei lăng tru\h tơ\ kơ dră rim khu\l jang sa ku\m vang jang pơm trong hăm kon pơ lei đơ\ng pơ gê hro#ih. Bơ ngai chong ‘ngie\t, bơ ngai cho\h te\h, bơ ngai tu\h hrâu [ê to\ng, bơ ngai pơ dăng tơ ley pơ to\ trong vă kơ tơ păt… 1 ‘nu bơ ngai 1 tơ drong jang. Pơ yan to\ Tây Nguyên hlơ hle\ng, đak pơ u\h hơ yu\ih đ^ ao mă lei pơ đ^ [o# đo#i hăm kon pơ lei, bu bu ku\m hơ drin đ^ jơ hngơ\m jang kiơ\ pơm đang jăl trong lơ\m 1 năr. {ơ\t ‘năr đ^ mơ\t  ku\m jing jăl trong [ê to\ng pơm đang tu\h [ê to\ng hơ tuch, rim ‘nu bơ ngai bu bu ku\m chhôk hơ iă. Trung úy Hoàng Thanh Bình, kơ dră khu\l jang sa kơ so# 10, Ko\ng ti 732, Binh đoàn 15, tơ roi tơ băt: “Kơ d^h kâu ^nh ku\m nhen kon pơ lei păng ko\ng nhân lơ\m tơ ring tôch kơ chhôk hơ iă, tôch kơ ‘nă hal đei tơ drong bơ ngơ\t tru\h đơ\ng khu\l jang đảng, Khu\l kơ dră vei lăng Ko\ng ti ăn an^h jang pơm jăl trong âu. Kiơ\ đơ\ng no\h, hơ met pơ ‘lơ\ng dôm tơ drong mơ mat tat lơ\m pơ yan ‘mi, vă kơ kon pơ lei năm jang mir jang ro\h vă kơ hiôk hian.”

Hăm kon pơ lei xăh Sa Loong, trong [ê to\ng mă đơ\ng tam mă xă, tam mă ‘lơ\ng dang dôm jăl trong t^h nhen trong tơ\ apu\ng, trong tơ\ de#h char mă lei thoi no\h ‘no\h ‘lơ\ng vă pơ\ih đei dôm tơ drong hiôk ‘nao ăn kơ kon pơ lei. Tơ mam drăm đơ\ng cho\h jang sa dang ei hlôi gơ\h [ônh [o\ chơ bro\k tơ\ hnam, tơ mam cho\h jang sa hơ nhăk ba tơ\ mir ro\h ku\m hiôk hian hlo\h [iơ\. ‘Nho\ng A Huê, bơ ngai plei Giang Lố 1, xăh Sa Loong, apu\ng Ngọc Hồi, de#h char Kon Tum, tơ roi:“Sơ\ năm v^h vơ\t mơ mat tat de#h, jang đei [um [lang, găr hơ [o, găr [a mă lei ư\h kơ gơ\h chơ le\ch. Dang ei Ko\ng ti 732 pơm ăn trong bơ\ih, kon pơ lei tôch kơ chhôk hơ iă, kon pơ lei gô hơ drin jang sa vă hơ to\k tơ iung mu\k drăm hlo\h dơ\ng.”

{ô đo#i Công ty 732 tơ gu\m ăn kon pơ lei pơm trong

Trung tá Trịnh Hà Tâm, Kơ dră Ko\ng ti 732, tơ roi tơ băt, tơ drong ‘mêm kơ eng khu\l linh, kon pơ lei đơ\ng [o# đo#i Binh đoàn 15 păng kon pơ lei lơ\m tơ ring sơ lam Ngọc Hồi hlôi tơ klep prăt dôm j^t sơ năm. Dôm sơ năm tơ je# âu, mă đơ\ng mu\k drăm mơ mat tat, kơ jă kơ tăk kơ sư re\h tôch kơ de#h, kơ jă te\ch re\h hlo\h kơ jă tơ mam, mă lei kang [o#, khu\l linh tơ\ rim an^h jang kơ Ko\ng ti ling lang hơ drin krao hơ vơn vă tơ gu\m kon pơ lei tơ\ rim pơ lei hăm dôm tơ drong jang hơ dăh ‘lơ\ng nhen cho# u\nh điên, pơm trong. Dang ei, đei tru\h vă je# 60% lơ\m 1.200 ko\ng nhân kơ su kơ an^h jang ‘no\h j^ bơ ngai kon kông lơ\m tơ ring, đei tơ drong ar^h sa sơ đơ\ng hăm kơ so# jên khei loi 5triệu hlak jên 1 ‘nu 1 khei. Trung tá Trịnh Hà Tâm, pơ ma hơ dăh: “An^h jang khu\l linh pơm kơ đông oei lơ\m tơ ring [o#h kon pơ lei oei tơ je# oei mơ mat thoi no\h ‘no\h ư\h kơ sơ đơ\ng, dôm sơ năm kơ âu an^h jang tôch kơ bơ ngơ\t. Yua thoi no\h, an^h jang krao hơ vơn đ^ đăng kang [o#, khu\l linh, bơ ngai jang, ko\ng nhân vang tơ gop vă răt chuơ\h tơ mo, si măng păng kon pơ lei tơ gu\m, hu\t năr vă pơm, vă pơ yan ‘mi kon pơ lei pơ tăm đei [um [lang hơ nhăk bro\k te\ch hăm kơ jă măk, ư\h kơ hơ nhăk đei ‘no\h bơ ngai mơ dro răt tôch kơ re\h, hơ tuch kon pơ lei oei no\ng kơ dơ nu\h đe\ch”.

Vang so\ng sa hơ dai, vang oei hơ dai, vang jang hăm kon pơ lei kơ na [o# đo#i Ko\ng ti 732 đei kon pơ lei lơ\m tơ ring sơ lam Sa Loong tôch kơ ‘mêm lui yom. Đei pơ lei kon pơ lei chă dơ\ng hơ năn plơ\ng ‘no\h plei A Tâm, đei jăl trong hloi đơ\ng ro\ng kơ pơm đang đei pơm pơ lei chă hơ năn ‘no\h trong A Tâm. ‘No\h j^ kon pơ lei chă hơ năn pơ lei, hơ năn trong kiơ\ đơ\ng bơ ngai kơ dră vei lăng Ko\ng ti khu\l linh 732, bơ ngai dơ\ng io\k tơ le\ch jang dôm tơ drong jang tơ gu\m kon pơ lei. Dôm tơ drong jang, dôm jăl trong ‘no\h hơ nhăk [e\nh tơ drong ‘mêm kơ eng đơ\ng khu\l linh, kon pơ lei, tơ gu\m kon pơ lei lơ\m tơ ring sơ lam Ngọc Hồi kơ jăp yak hlo\h lơ\m pơ jing mu\k drăm.

          Thuem tơ blơ\