Tơdrong jang ‘nâu ưh lăp tơgop vang vei lăng ‘lơ̆ng jơhngâm pran ăn kon pơlei tơ̆ tơring pơmat tat đĕch mă oei pơm hơtŏk tơdrong pơvei, ‘mêm băl đơ̆ng linh hăm kon pơlei dơ̆ng, pôk pơ ư đe linh vei lăng tơring sơlam oei xa jê̆ kon pơlei, hơdai hăm kon pơlei tơ̆ tơring sơlam.

Thượng uý, Ƀak si quân y Lê Quang Tùng, Bơngai jang tơgŭm găh Quân y, Lăm jang tơgŭm - Ki thuơ̆t, Ƀô đô̆i vei lăng tơring sơlam dêh char Gia Lai ăn tơbăt, lơ̆m ‘măng mă âu, khul jang hlôi khăm hơlen, roi tơƀôh jơhngâm pran păng ƀơch đĕch pơgang hơmet jĭ ăn dang 500 ‘nu bơngai. ‘Ngoăih kơ bơ̆ jang vei lăng jơhngâm pran, kăn ƀô̆, linh đơ̆ng Kơđông Ia Pnôn oei roi tơbăt, krao hơvơn kon pơlei pơm kiơ̆ trong jang đơ̆ng Đảng, khôi luơ̆t teh đak; hơtŏk đon kơchăng, adrin vang bơ̆ jang vei lăng tropng sơlam, jrăng sơlam, vei kơjăp tơdrong sơđơ̆ng tơ̆ tơring sơlam.