Mă hơdăh, Hơnih tơm vei lăng jang pơgang tơbăt hơdăh dôm tơdrong khăm lơ̆m bơ̆ jang khăm đĕch jơhngơ̆m jăn kiơ̆ pơkăp lơ̆m teh đak, đei iok jang hloi đơ̆ng sơnăm 2026. Tơdrong chă khăm đĕch ou ‘noh khăm găh nội khoa, hla đon muh hơlŏng, khăm hơlen pham, đak ‘nôm păng phĭn X-quang plei nuih tơsoh, vă kĕ tang găn rim tơdrong jĭ ngăl đei ƀôh nhen jĭ trong hoan, jĭ đak ‘nôm sĭk, klơm pleh lĕn. Lăp đơ̆ng rŏng khăm, kon pơlei đei ƀok thây pơgang pơtho tơbăt lăng hơlen dăh mă pơtruh ăn rim hơnih ming hơmet tơdăh đei ƀôh tơdrong jĭ jăn. Tơdrong khăm ou đei pơgơ̆r tơ̆ hnam pơgang tơring, phương vă rơvơn ăn kon pơlei năm khăm; hnam pơgang kơpal gô iung jang tơgum djru tơdăh hnam pơgang tơring ưh kơ đei tôm bơngai bơ̆ jang dăh mă ưh kơ đei kmăi kmŏk. ‘Ngoăih khul bơngai tim mă đei ƀao hiêm hơmet jĭ jăn, ŭnh nam đei iŏk yoa ăn teh đak, bơngai đei iŏk yoa ăn teh đak jei dôm bơngai kăl hloh, lơ̆m mă bơngai jang hơnơ̆ng đei khăm jơhngơ̆m jăn kiơ̆ tơdrong tơchơ̆t pha. Trong jang ou tơgŭm ăn kon pơlei ƀôh hrôih rim tơdrong jĭ jăn ngăl tơƀơ̆p nhen jĭ đak ‘nôm sĭk, jĭ trong pham, jĭ pleh lĕn, adoi tơlech jang kiơ̆ ‘lơ̆ng trong tơlĕch jang yak truh khăm ăn đĕch hloi lơ̆m sơnăm 2030.