VOV4.Bahnar - Pơgê năr 20/12 tơ̆ Hà Nội, Dơnŏ anĭh tơm vei lăng Chŏh jang sa păng Atŏk tơ iung tơring tơrang pơgơ̆r hop akŏm hơlen hơdăh tơdrong jang kiơ̆ păng pơtrŭt atŏk kơtang pơih să trong chŏh jang sa gơh hơgei tơ jră tang găn tơpơlĭh tŏ ‘mi kial găh Tơdrong vă jang Hơmet pơ ‘lơ̆ng chŏh jang sa đei tơruih. Đơ̆ng rŏng 6 sơnăm tơlĕch jang, tơdrong vă jang au hlôi tơgop pơm pơ ‘lơ̆ng trong jang tơruih, pơro ăn hlŏh 93.000 ha tĕh jang sa kơ 7 dêh char, pơlei tơm lơ̆m Tĕh đak.

Hop akŏm pơma dơnŭh chŏh jang sa gơh hơgei tơ jră tang găn tơplĭh to ‘mi kial

Tơdrong vă jang au hlôi tơgŭm pơjing đei 49 tơdrong jang chŏh jang sa hơgei trŏ lăp ăn tang găn tơplĭh tŏ ‘mi kial hăm rim ‘long pơtăm nhen: ƀa, rim ‘nhot, ‘long sa plei păng ‘long đunh sơnăm. Kiơ̆ đơ̆ng Kơ iĕng kơdră chĕp pơgơ̆r Dơnŏ anĭh tơm vei lăng Chŏh jang sa păng Atŏk tơ iung tơring tơrang Lê Quốc Doanh, dôm tơdrong iŏk đei đơ̆ng tơdrong vă jang au hlôi tơgop gĭt kăl lơ̆m jang kiơ̆ Tơdrong vă jang hơmet ming chŏh jang sa adoi nhen Trong jang atŏk tơ iung pơnơ̆t đak trŭh sơnăm 2030 păng lăng trŭh sơnăm 2050.

Tơblơ̆ nơ̆r: Amazưt