VOV4.Bahnar - Đơ̆ng rŏng hlŏh 1 khei đei jĭ, truh dang ei jĭ pơ plei tơ̆ hơ kar kơ pô, rơ mo tơ̆ dêh char Kon Tum hlôi tơ pŏh tơ̆ lơ tơ ring. Lơ̆m dêh char đei 308 unh hnam rong kon tơ rong tơ̆ 76 pơ lei pơ la kơ 31 xăh, găh 7/10 apŭng, plt đei hlŏh 400 kơ pô, rơ mo jĭ. Tơ̆ hơ năp tơ drong tơ pŏh tôch hrĕnh đơ̆ng jĭ, đei 2 apŭng lơ̆m d/c ‘nŏh Ngọc Hồi păng Đăk Hà roi tơ băt đei jĭ atŭm hăm ‘nŏh tơ lĕch lơ trong tang găn kiơ̆ tơ drong hơ găt.

Kăn ƀô̆ jang thŭ y plt Kon Tum pơ tho ăn kon pơ lei vei rong, hơ met jĭ ăn rơ mo jĭ pơ plei tơ̆ hơ kar

Vă tơ jur ƀiơ̆ hiong răm ăn bơ ngai rong kơ pô, rơ mo yoa đơ̆ng jĭ pơ plei tơ̆ hơ kar, anih vei lăng tơ drong rong kon tơ rong păng jang thŭ y dêh char Kon Tum găn ƀĭơ tơ drong sŏh, ƀu hŭt kon tơ rong jĭ, mă akŏm jơ hngâm hơ met jĭ, ƀet pơ gang tang găn jĭ. Truh dang ei lơ̆m dêh char ‘nao đei lăp 10 tŏ rơ mo athei sŏh hŭt, kơ sô̆ rơ mo đei hơ met klăih ‘nŏh 48 tŏ păng hlŏh 370 tŏ rơ mo oei đei vei rong, hơ met dơ̆ng.

Dơ̆ng: Tơ blơ̆