VOV4.Bahnar - Tơ̆ dêh char Kon Tum jĭ pơ ‘ngĕh akar tơ̆ kơpô, rơmo hơnơ̆ng tơpŏh kơtang. Năr 17/6, Đak Ha, minh lơ̆m 6 apŭng, pơlei tơm kơ dêh char Kon Tum đei kơpô rơmo jĭ hlôi Tơchơ̆t tơbăt hơdăh đei tơdrong jĭ pơ ‘ngĕh akar tơ̆ kơpô, rơmo tơ̆ 2 tơring Đak La hăm Ngŏk Wang.

Ƀet pơgang hơmet jĭ pơ ‘ngĕh akar ăn rơmo tơ̆ pơlei tơm Kon Tum

Lơ̆m khei ‘năr đei jĭ pơdơ̆h ‘mơ̆i tơdrong chă tĕch răt, chơ choĕn kơpô, rơmo, kon tơrong păng ‘nhĕm kơpô, rơmo mơ̆t lơ̆m tơring đei tơdrong jĭ. Hăm rim tơring tim mă đei jĭ kăl iung jang kơtang vang tang găn jĭ, dăr lăng kơ jăp tơdrong au to vă hơmet tơtom tơdăh đei tơdrong jĭ pơrăm. Kơtơ̆ng ang đơ̆ng Hơnĭh tơm Tĕch mơdro tơmam drăm jang sa apŭng Đak Ha đei ƀô̆h, jô̆ đơ̆ng năr 10 truh năr 15/6, lơ̆m apŭng hlôi đei 18 hơnĭh đei kơpô, rơmo jĭ tơdrong au tơ̆ 7 pơlei kơ 2 tơring Đak La păng Ngŏk Wang hăm 22 tŏ kơpô rơmo jĭ. Tơdrong jĭ au tŏk bŏk tơpŏh kơtang lang să dơ̆ng.

Tơblơ̆ nơ̆r: Amazưt