VOV4.Bahnar - Hrei au, akŏp kơpô rơmo dêh char Kon Tum rong đei hlŏh 100.000 tŏ, dang 50% lơ̆m au ‘nŏh kơ yuơ kon pơlei kon kông rong chă hơchăng kơna tơdrong vei lăng năng tông jĭ păng tơlĕch jang ƀet bơ̆ng vaccine tơ ƀơ̆p tôch mơmat tat. Tơ̆ hơnăp đei ƀô̆h mĭnh ƀar tơring hlôi đei jĭ tơ ƀong tơplŏk kơchôp, jĭ pơn ‘ngĕh akar tơ̆ kơpô, rơmo, Dơbnŏ anĭh vei lăng kon pơlei dêh char Kon Tum hlôi pơrô̆ athei Dơnŏ anĭh vei lăng chŏh jang sa păng Atŏk tơ iung tơring tơrang atŭm hăm rim tơring atŏk kơtang bơ̆ jang tang găn jĭ ăn kon tơrong. Atŭm hăm atŏk kơtang pơtho tơbăt, atŏk jơhngơ̆m đon hlô̆h vao kơ kon pơlei găh tơdrong chă rong kon tơrong sơđơ̆ng rơgŏh, Dơnŏ anĭh vei lăng kon pơlei dêh char Kon Tum pơrô̆ athei rim tơring hơnơ̆ng dăr lăng, chĭh jô̆ kơpô, rơmo, iung jang hơmet pơ ‘lơ̆ng, vat tơring đei ƀô̆h jĭ, adoi iung jang kơtang ƀet vaccine bơ̆ng jĭ ăn kơpô, rơmo.

Tơblơ̆ nơ̆r: Amazưt