VOV4.Bahnar - Bơ̆ jang tơ dỏng pơ tăm ‘nao 15.000ha ‘long bri mă Tơ drong tơ chơ̆t đơ̆ng hop akŏm Đảng ƀô̆ dêh char Kon Tum ‘măng mă XVI, jăl jang đơ̆ng 2020-2025 tơ lĕch, truh tŏk bŏk khei 9 âu ki, lơ̆m dêh char Kon Tum hlôi pơ tăm ‘nao hlŏh 3.600 ha bri ‘long, lơ hlŏh 600ha pơ têng hăm nơ̆r hơ găt pơ tăm lơ̆m sơ năm ‘nâu.

Anih mong jên vei lăng păng atŏk tơ iung bri dêh char Kon Tum tơ gŭm tơ đăh ‘long hơ ngo ăn kon pơp lei xăh Văn Lem, apŭng Đăk Tô

Lơ̆m hlŏh 3.600ha bri ‘long ‘nao pơ tăm tơ̆ Kon Tum, plt Kon Tum jĭ tơ ring dơ̆ng hơ drol hăm tĕh pơ tăm hlŏh 900ha. Dôm apŭng oei đei dơ̆ng pơ tăm kĕh păng lơ ƀiơ̆ kơ sô̆ tĕh đei pơ jao ‘năi. Vă pơ tăm đei ‘long bri, khul kơ dră chĕp kơ̆l dôm apŭng, plt kơ dêh char Kon Tum krao hơ vơn kon pơ lei pơ tăm dơ̆ng bri ‘long tơ̆ groi tĕh hŏh, tĕh pơ tăm ƀum, ƀa ưh kơ ‘lơ̆ng; pơ gơ̆r tơ gŭm hơ drĕch, kŏng jang, pơ tho ki thuơ̆t ăn kon pơ lei; akŏm khul linh, kăn ƀô̆, bơ ngai jang kơ tĕh đak vang pơ tăm ‘long bri.

Dơ̆ng: Tơ blơ̆