VOV4.Bahnar - Jo# truh dang ei 20 tơ ‘ngla bri noh dôm anih jang găh bri hmo\, bri tơm păng 75 anih vei lăng kon pơlei xăh, th^ tra#n kơ dêh char Kon Tum hlôi pơjao ăn hloh 8.700 unh hnam, tơ ‘ngla jang; 95 pơlei pơla păng 30 gru\p unh hnam vei hơlen hloh 202.500 ha bri. Đơ\ng mă dêh char pơtru\t kơtang tơdrong pơjao bri ăn unh hnam kon pơlei vei lăng, kơxo# ‘măng pơm glăi kơluơ\t vei lăng bri tơ\ tơring tơjur [ôh hơdăh. Atu\m hăm noh kon pơlei roi năr roi tơguăt, vei lăng bri tơnăp hloh.

Xơnăm 2015, pơlei Đak Wơt, xăh Hơ Moong, apu\ng Sa Thầy io\k vei lăng hloh 8ha bri tơm lơ\m xăh. Đơ\ng ro\ng kơ pơđăp, 295 unh hnam kon pơlei hlôi drơ\ng nơ\r ako\m đei 4 khul vei lăng bri. Atu\m băl hơnơ\ng axong khul jang hơlen tang găn đe tơtông bri, kon pơlei Đak Wơt oei chih ako\m pơkăp kơ pơlei pơla lơ\m noh đei tơchơ\t phak hăm tơdrong phă pơrăm bri. Gơnơm thoi noh, hloh 1 xơnăm kơ âu, bri tơm pơjao ăn pơlei Đak Wơt đei kon pơlei vei lăng kơjăp. ‘Nho\ng A Cường, bngai lơ\m pơlei ăn tơbăt: “Vă vei bri noh kon pơlei chih ako\m pơkăp kơ pơlei pơla vă xek tơlang, pơkăp phak hăm dôm tơdrong koh phă bri tơm kơ pơlei vei hơlen. Đei bngai pơm yoch pơtih nhen bngai noh lơ\m pơlei dăh mă bngai tơ\ ‘ngoaih. Trong mă mônh noh phak păh ai, khul kơdră kpal kơ pơlei pơla năm pơtho akhan. Oei mă 2 noh gô phak hru\ kiơ\ pơkăp kơ pơlei pơla nhen phak hăm ier, dăh mă nhu\ng hloi”

 Tơ\ apu\ng Kon Plong, găh minh anih vei lăng Kon Plong hlôi pơjao ăn 665 unh hnam kon pơlei hăm 7 pơlei pơla, gru\p unh hnam kon pơlei vei lăng hloh 20.700 ha bri lơ\m hơgăt 56.500 ha bri kơ anih jang âu. Đơ\ng noh ăn [ôh, lơ\m 5 xơnăm kơ âu, tơ\ hơgăt bri kơ anih jang ưh kơ đei unh xa bri. Tơdrong phă bri vă io\k teh jang mir, tơdrong koh ot ‘long bri adoi tơjur mơ\n. ‘Nho\ng A Pan, kơdră pơlei Vi ô lắc, xăh Pờ Ê, apu\ng Kon Plong ăn tơbăt: “Adrol ki tam mă pơjao ăn unh hnam kon pơlei, noh đe hơnơ\ng muih choh teh jang mir tăp dăr bri. Pơjao ăn kon pơlei vei hơlen noh pă đei [ôh bơih tơdrong mă âu. Lơ\m minh khei 21 gru\p unh hnam noh, rim bngai năm hơlen, tơtom tang găn păng akhan âu noh Đảng, teh đak hlôi pơjao ăn pơlei nhôn, iem ne\ pă pơm yoch. Mưh ưh kơ mơ\ng kiơ\ kră pơlei kơdră pơlei noh nhôn hơvơn năm tơ\ xăh bơ\ jang hăm anih vei lăng kon pơlei xăh”   

Jo# truh khei năr âu, 20 tơ ‘ngla vei bri noh dôm anih jang vei hơlen bri tơm, bri hmo\ păng 75 anih vei lăng kon pơlei xăh, th^ tra#n kơ dêh char Kon Tum hlôi pơjao ăn hloh 8.700 unh hnam, tơ ‘ngla jang; 95 pơlei pơla păng 30 gru\p unh hnam vei hơlen hloh 202.500 ha bri. Đơ\ng mă dêh char pơtru\t kơtang tơdrong pơjao bri ăn unh hnam kon pơlei vei lăng, kơxo# ‘măng pơm glăi kơluơ\t vei lăng bri tơ\ tơring tơjur [ôh hơdăh. Jing bngai tơguăt hăm tơdrong jang vei lăng bri tơ\ Kon Tum, [ok Phan Đình Nhã, Pho\ Kơdră anih jang tơgu\m hơto\k tơ iung ăn tơbăt, tơdrong pơjao bri ăn unh hnam kon pơlei, tơpôl kon pơlei vei lăng jing minh hơyak pơm jang tro\ [lep vă vei xơđơ\ng bri: “Adrol âu ki tam mă đei pơjao jang noh đe ye\t adoi vei hơlen tơring bri âu mă lei adro# lơ\m tơpôl pơlei pơla đe\ch, oei hăm bngai tơ\ ‘ngoaih noh tơnap, kơlih đe xư ưh kơ đei xơnong. {ơ\t mă đe đei xơnong jang bơih noh đe mă lui kiơ\. Mă blu\ng inh phak kiơ\ pơkăp khôi pơlei pơla đang kơ noh tơring hăm xăh, hăm jơnu\m pơgơ\r tơring noh đe mă akhan tôm pơkăp kơluơ\t teh đak. Vei xơđơ\ng xơnong ăn đe ye\t noh đe ye\t jang răh kiơ\ khôi pơlei pơla păng jang răh kiơ\ kơluơ\t teh đak noh đe ye\t mă gơh vei xơđơ\ng ‘lơ\ng bri”

Đei pơjao teh, pơjao bri vă vei lăng bri, atu\m hăm xơnong jang vei bri roi năr roi đei hơto\k, rim unh hnam kon pơlei, tơpôl pơlei pơla tơ\ dêh char Kon Tum duh đei xa yua đơ\ng bri. Dang ei đơ\ng jên klă vei lăng bri, noh rim unh hnam jang vei bri đei xa jên jang đơ\ng 4 truh 6 triu 500 rơbâu hlak jên minh xơnăm. Hăm pơlei noh đơ\ng 18 truh 143 triu hlak jên. Tơdrong erih kơ kon pơlei, kơ pơlei pơla tơguăt hăm bri đei hơto\k jing tơdrong tơm kơjăp xơđơ\ng vă tơdrong jang vei hơlen bri roi năr roi tơnăp hloh. 

Lan chih păng rapor