VOV4.Bahnar - Lơ\m 5 sơ năm âu ki, mo\ Đặng Thị Ngọc Trang oei tơ\ thôn 8, xăh Diên Bình (apu\ng Đăk Tô, de#h char Kon Tum) chă hơ len ho\k pơ hrăm, pơ\n tơ mơ\t jên jang pơ tăm pơ mâu rơ go\h vă hơ to\k tơ iung mu\k drăm u\nh hnam. Dang ei, tơ drong jang đơ\ng mo\ Trang sơ kơ\t hơ dăh đei io\k yua mu\k drăm lơ.

Tơ roi găh đon tơ che\ng hơ to\k tơ iung pơm hơ n^h pơ tăm pơ mâu đơ\ng kơ d^h, mo\ Trang tơ băt: Lăng [o#h tơ drong rong pơm pơ mâu kiơ\ trong rơ go\h lăp hăm ‘me\h vă io\k yua tơ mam sa rơ go\h, đei lơ kơ chơ\t bek ‘lơ\ng đơ\ng bơ ngai yua, păng đei dơ\ng to\ se\t tơ drong hlo#h vao păng ki thuơ\t pơ tăm pơ mâu đơ\ng hơ drol, sơ năm 2015, mo\ Trang ku\m hăm u\nh hnam hơ drin pơm hơ n^h pơ tăm pơ mâu. Hăm kơ so# jên mong răk đei ako\m hăm jên to\k io\k đơ\ng an^h mong jên, mo\ Trang pơm hơ n^h pơ tăm pơ mâu să hlo\h 1.000m2 (‘no\h đei 2 to\ hnam kle\p vă pơ tăm pơ kao). Tru\h dang ei, hơ n^h pơ tăm pơ vei pơm tơ le\ch hlo\h 30.000 tơ pu phôi 1 sơ năm; lơ\m no\h, pơ mâu bào ngư 20.000 tơ pu 1 sơ năm, uơ oei dơ\ng ‘no\h dôm kơ loăi pơ mâu nai nhen linh chi, pơ mâu hla đon kơ ne….

Mo\ Đặng Thị Ngọc Trang lơ\m hơ n^h pơm tơ le\ch pơ mâu bào ngư kơ sư

Mo\ Trang tơ roi, vă pơ tăm pơ mâu athei yak hlo\h lơ trong jang, lơ\m no\h g^t kăl ‘no\h j^ trong hơ met tơ pu pơ mâu. Tơ dăh hơ met tơ pu pơ mâu ‘lơ\ng gô ăn pơ mâu le\ch ‘lơ\ng, lơ, dă [iơ\ hư; tơ plơ\ dơ\ng tơ dăh pơm ư\h kơ ‘lơ\ng ‘no\h gô [ônh kơ đei hư, [ơm kơ ne# tru\h io\k yua păng ‘lơ\ng đơ\ng pơ mâu.

Mo\ Trang tơ blang hơ dăh, rim kơ loăi pơ mâu sư lăp hăm tơ drong vei lăng ‘lơ\ng, tơ dăh ư\h kơ pơ ‘lơ\ng gô pơm ăn hư đ^, hơ nhăk tru\h ư\h kơ đei sa kiơ. Tơ dăh băt đei hlo#h vao găh pơ mâu, tơ drong ‘lơ\ng, tơ drong ư\h kơ ‘lơ\ng đơ\ng rim kơ loăi lăp hăm cham char, to\ ‘mi kial thoi yơ păng ki thuơ\t pơm hơ n^h rong pơ tăm, tơ drong rơ\ih tơ mam, vei lăng…tôm ‘no\h tơ drong tơ le\ch jang pơ tăm pơ mâu âu ư\h kơ đei hơ nat. Kiơ\ kơ mo\ Trang ‘no\h: “Vă pơm tơ le\ch hơ dre\ch athei yak hlo\h kiơ\ lơ trong jang, đơ\ng tơ drong pơm hơ dre\ch lơ\m tơ pu [a đang kơ ‘no\h pơ gơ\r tăh lơ\m tơ pu tơ mam… ding tru\h tơ drong pơm rơ go\h pơ lôch pơ rang pơ nhu\l đ^ đăng dôm tơ pu pơm hơ dre\ch hơ drol kơ hơ nhăk lơ\m hnam ư\h kơ to\ kial vă rong pơ tăm. Đơ\ng ro\ng dang 2 khei, pơ mâu pơ tơm ăn phe\ io\k, jơ năr phe\ io\k pơ dui dang 4 khei. Rim sơ năm te\ch dang 15 tấn pơ mâu, hơ nhăk io\k yua hlo\h 400 triệu hlak jên, hơ dai hăm chă tơ drong jang ăn kơ dang 10 ‘nu bơ ngai jang hăm io\k yua jo# păh lăp 1 khei 4 triệu hlak jên 1 ‘nu”.

Ko\ng nhân cho# tăh tơ pu phôi lơ\m tơ pu

Hăm ‘me\h vă hơ nhăk tơ drong jang pơ tăm pơ mâu rơ go\h đơ\ng u\nh hnam sư hơ to\k tơ iung, mo\ Trang hlôi lang să tơ drong jang pơ tăm pơ mâu tơ\ Tân Cảnh hăm tơ drong tơ gu\m hơ dre\ch păng ki thuơ\t ăn kơ dôm u\nh hnam đei ‘me\h vă yak hlo\h pơm pơ dro\ng đơ\ng pơ tăm pơ mâu.  Dang ei, mo\\ Trang to\k bo\k pơm pơ ke\h hla ar tro\ luơ\t vă pơ jing hơp tak xăh pơ mâu rơ go\h tơ\ tơ ring hăm 7 ‘nu bơ ngai vang jang. ‘Ngoăih kơ ‘no\h, mo\ oei tơ che\ng ‘me\h vă jang lơ nhen pơ\ih dơ\ng hơ n^h pơ tăm pơ mâu ja păng pơ mâu pơm pơ gang.

Mo\ Trang tơ roi: “Hăm khei ‘năr phe\ io\k hre\nh, đei yua lơ ‘no\h tơ ge\ch io\k yua đei tơ mam pơm tơ le\ch đơ\ng cho\h jang sa nhen pu\k ‘long, hơ nong [a… hơ me\ng đơ\ng tơ drong jang pơ tăm pơ mâu to\k bo\k tôch kơ t^h. Hơ dai hăm ‘no\h, ‘me\h vă te\ch mơ dro găh dôm tơ mam đơ\ng pơ mâu to\k bo\k roi ‘năr roi to\k lơ; yua kơ ‘nâu j^ kơ loăi tơ mam sa rơ go\h, ư\h kơ đei kơ chơ\t vei lăng dăh mă tơ mam pơm pơ gang….”.

Tăh phôi tơ\ kơ deng vă tăh lơ\m hnam ư\h kơ to\ kial

 {ok Nguyễn Hồng Lĩnh – Kơ dră An^h vei lăng kon pơ lei xăh Diên Bìnhtơ băt, pơ tăm pơ mâu to\k bo\k jing trong năm ‘nao lơ\m trong vă jang tơ pl^h hơ met ming mu\k drăm cho\h jang sa tơ\ tơ ring, tơ gu\m kon pơ lei đei dơ\ng rơ\ih io\k, chă trong vă jang lơ\m jang sa. Dang ei, xăh to\k bo\k da\r hơ len păng pơm pơ ke\h hla ar kăl vă k^ pơ kăp dôm hla ar pơ kăp răt io\k tơ mam pơ mâu rơ go\h lơ\m tơ ring; kiơ\ đơ\ng no\h pơ tru\t tơ drong pơm tơ le\ch tơ klep hăm răt te\ch vă vei sơ đơ\ng te\ch blu\ng ăn tơ mam, tơ gu\m hơ to\k io\k yua ăn kon pơ lei, pơm đei hơ yak hơ to\k tơ iung ‘nao ăn tơ drong jang pơ tăm pơ mâu rơ go\h tơ\ tơ ring tơ\ hơ năp kơnh.

Thuem: Tơ blơ\