VOV4.Bahnar – Tru\h khei ‘năr âu, tơ drong to\ phang hlôi pơm ăn hlo\h 11.000 u\nh hnam kon pơ lei tơ\ de#h char Kon Tum ư\h kơ mahư đak yua. Tơ\ lơ tơ ring kon pơ lei oei, đak rơ go\h pơ yua ăn tơ drong ar^h sa rim năr kơ kon pơ lei roi ‘năr roi pă đei jrăh bơ\ih. Lơ\m tơ drong mơ mat tat ‘no\h, kon pơ lei roi tơ goăt 1 jơ hngơ\m đon dơ\ng, vang tơ gu\m băl rim pup đak vă yak hlo\h tơ drong mơ mat kơ tang đơ\ng hơ yu\h to\. 

Khu\l kơ dră xăh Sa Sơn sir đak kuey, man an^h mong đak tơ gu\m kon pơ lei đei đak yua

Ku\m hăm tơ drong bơ ngơ\t yua kơ to\ phang pơ dui đunh pơm ăn kơ tơm ‘long lơ\m pơ gar jô hơ ru hơ ra, yă Nguyễn Thị Thảo oei tơ\ thôn 1, xăh Sa Sơn, apu\ng Sa Thầy oei bơ ngơ\t tơ drong nai mơ mat hlo\h dơ\ng. đak kuey đ^ hrơ\ đ^, 3 to\ kơ thu\ng đak kơ so\k tơ\ mum cham jing tôch kơ g^t, mă lei ku\m lăp io\k yua đei 2,3 năr đe\ch. Hoe lăng tơ\ rông [ôt, hlo\h 10 u\nh hnam jum dăr hnam sư đak kuey ku\m hrơ\ đ^. Tơ drong bơ ngơ\t tôch de#h ư\h kơ đei đak yua đơ\ng yă Nguyễn Thị Thu chă [ôm đak kơ d^h đơ\ng đak kuey hnam sư vang asong hăm kon pơ lei. Klăih đơ\ng tơ drong mơ mat, yă Nguyễn Thị Thảo tơ roi tơ băt:“Tơ\ âu vang asong đ^ ăn pơ đ^  thôn 1 âu. Bơ ngai bu ku\m đei ngăl. Mư\h tơ\ drơ\m kơ sơ\ ‘no\h năm [ôm. Ư|h kơ đei đak âu ‘no\h kon pơ lei tơ\ âu ư\h kơ đei đak nhă. Hiôk măk ai, tơ drong ‘mêm kơ eng hăm d^h băl roi de#h hlo\h dơ\ng”.   Băt tơ drong jang ‘lơ\ng đơ\ng yă Nguyễn Thị Thu, khu\l kơ dră xăh Sa Sơn tơ le\ch jên ‘măn răk hiă răt kơ thu\ng mong đak, hơ dai hăm ‘no\h tơ gu\m u\nh hnam jên u\nh điên. Rim năr 2 ‘măng tơ\ pơ gê, tơ\ kơ sơ\ hơ nơ\ng, yă Thu [ôm đơ\ng 2.000 tru\h 3.000 kơ lich đak lơ\m kơ thu\ng ăn kơ kon pơ lei năm io\k đak vă yua. Thim tơ drong, thim gle\h hrat păng pă jor bơ\ih ding tru\h đak kuey hnam kơ d^h ku\m gô hrơ\, mă lei yă Thu oei chơt hơ iă [ôm đak vang asong hăm kon pơ lei: “Gle\h de#h, bro\k đơ\ng jang tơ\ drơ\m kơ sơ\ bơ\ih kon pơ lei ku\m athei hơ nhăk pup năm so\ đak. Pơ gê hro#ih athei năm so\. Hnam nhôn ‘no\h oei đei đak kơ na u\nh hnam ku\m ‘me\h asong hăm kon pơ lei [ơ\t kơ plăh to\ phang âu”.            

Hnam yă Nguyễn Thị Thu dang ei jing an^h pơ tru\h tơ gu\m đak yua

Tru\h khei ‘năr âu, tơ\ apu\ng Sa Thầy hlôi đei hlo\h 660 to\ đak kuey đei hrơ\, lơ an^h pơ tru\h đak ako\m ư\h pă đei yua. Mă lei roi tơ jră hăm to\ phang kơ tang, kon pơ lei ‘no\h roi tơ goăt 1 jơ hngơ\m đon vang tơ gu\m d^h băl. {ok Trần Đình Huân, Chánh Văn phòng Jơ nu\m vei lăng kon pơ lei- An^h jang vei lăng kon pơ lei apu\ng Sa Thầy tơ roi tơ băt:“Kon pơ lei tôch kơ hơ drin vang chă tơ gu\m băl. Đak kuey đei lơ đak asong ăn kơ rim u\nh hnam jum dăr. Găh khu\l kơ dră tơ ring ku\m ch^h io\k tơ drong ạng âu păng tơ gu\m 1 păh hơ yơ jên vă kơ đe sư [ôm đak dăh mă đei dôm tơ drong pơ lung, pơ tru\t, pôk hơ păh”.

Ku\m hăm tơ drong vang tơ gu\m găh đak yua lơ\m kon pơ lei, an^h jang vei lăng kon pơ lei apu\ng Sa Thầy hlôi io\k yua 1 ti 500 triệu hlak jên đơ\ng jên ‘măn răk hiă vă sir, koer dơ\ng dôm j^t to\ hơ lu\ng đak kuey, man an^h mong đak, pơ lăp 80 to\ kơ thu\ng như\a mong đak tơ\ rim pơ lei, hơ vơn khu\l linh păng rim an^h jang mơ dro sa chơ đak rơ go\h năm asong đe\ch ăn kơ kon pơ lei. Um rup dôm kang [o# xăh đơ\ng ro\ng kơ jơ bơ\ jang hơ nhăk ăn tơ gu\m u\nh hnam oei sa hơ dro#, dăh mă thây kô pơ tho rim hnam trưng rim ‘măng năm tơ\ lăm chơ ba pup đak do\ng hal kơ đak ăn kơ u\nh hnam ho\k tro hlôi đei dơ\ng tơ drong lui păng jơ hngơ\m pran vă kơ kon pơ lei yak hlo\h tơ drong mơ mat kơ tang đơ\ng hơ yu\h to\.

Thuem tơ blơ\