Khul truh ngôi păng hmach thơ thâu Têt ăn Khul tơguăt đe ƀok chuơ ‘mêm kơ tĕh đak dêh char Trà Vinh, kăn ƀô̆ pơdơ̆h hưu, đe kră jang kăch mang tơ̆ dêh char. Ƀok Y Thanh Hà Niê Kđăm roi tơbăt dôm tơdrong tơgŭm vă jang atŏk tơiung tơring kon kông pơma atŭm păng tơring kon pơlei Khmer oei xa tơ̆ găh Pơbăh tĕh đak pơma adrô̆.

Mă loi, lơ̆m jăl 14 âu ki, Kuô̆k hô̆i hlôi kĭ ăn Tơdrong jang atŭm păng Tơdrong jang tơm kơ tĕh đak vă atŏk tơiung mŭk drăm, tơpôl tơ̆ tơring kon kông păng groi kông đơ̆ng 2021 - 2030 hăm kơsô̆ jên vă jang hlŏh 50 rơbâu ti. Ƀok Y Thanh Hà Niê Kđăm hơpơi ‘mĕh đe ƀok Chuơ hơnơ̆ng tưk tơiung hơnăp jang đơ̆ng kơdih hơmet kơjăp tơdrong tơguăt 1 ƀơ̆r đon rim hơdrĕch hơdrung, krao hơvơn kon pơlei mât mĭnh jơhngâm, krao hơvơn bơngai lui phât adrin choh jang xa, đei iŏk yoa kơjăp vă pơm hơtŏk tơdrong arih.