Pơma ăh hop akŏm, Ƀĭ thư anih jang Đảng kơ dôm anih jang Trung uơng Nguyễn Văn Thể ră hơdăh, dôm tơdrong tơhĭl hơreh dih băl, tơjră kơnê̆, trong hiôk chĭnh trĭ dang ei oei đei pơtoi hơtŏk tang găn dôm tơdrong jang tơjră pơrăm Đảng păng Teh đak bơ̆n. Khei năr truh, pơtoi tơlĕch akŏm chĭnh trĭ lang xă găh tơdrong pơma đam đei hơnăn “Pơkăp, xơ̆n tơjră vă tang găn păng tơjră xa pơjĭp kơnê̆ tơgop pơ-'lơ̆ng Đảng păng Teh đak roi năr roi hlăng 'lơ̆ng, kơjăp kơtang” đơ̆ng ƀok Tổng Ƀĭ thư Nguyễn Phú Trọng. Tơchơ̆t tơjră, xut hŭt lê̆ tơdrong kơtơ̆ng ang kơnê̆ ưh kơ 'lơ̆ng. Atŭm hăm noh, dôm anih jang đảng lơ̆m anih jang Đảng Khô̆i, hơtŏk tơdrong hơlen nơ̆r jâu lơ̆m tơpôl vă kơchăng jang hadoi hăm dôm anih jang đei tơrĕk vă tang găn dôm ƀai chih, kơtơ̆ng ang kơnê̆ lang xă lơ̆m mang Internet, mang tơpôl tơjră pơrăm Đảng, Teh đak.