Kiơ̆ pơkăp jang, gô đei 8 lăm hŏk, hăm jê̆ 1.000 kang ƀô̆ pơm jang găh hơlen đei hŏk pơhrăm găh tơdrong jang hơlen păng kih luơ̆t kơ Đảng lơ̆m xơnăm âu. Lăm pơhrăm 'năr âu jing lăm mă blŭng kơ xơnăm 2023, hăm hloh 100 kang ƀô̆ jang tơdrong jang hơlen kơ dôm anih jang đảng lơ̆m 34 anih jang đảng tơ̆ kơpal lơ̆m anih jang Đảng kơ jơnŭm jang vang akŏm. Ƀok Đỗ Việt Hà, Phŏ Ƀĭ thư Anih jang Đảng kơ dôm Anih jang Trung ương pơkăl, kang ƀô̆ năm hŏk lăm âu, kăl akŏm ăn jơ 'năr hŏk pơhrăm, hơtŏk tơdrong pơma dơnuh hăm dôm bơngai jang tơroi tơbăt, vă pơm hơdăh tơdrong oei pơngơ̆t kơ đon, kăl pơm hơdăh păng tơdrong hlôh vao lơ̆m xek tơlang dôm tơdrong đei ƀôh, tơblang dôm tơdrong đei tơrĕk truh.