Anih jang Đảng pơlei tơm Pleiku dêh char Gia Lai hơnơ̆ng tơguăt hăm tơdrong pơgơ̆r jang đơ̆ng Tĭnh uy Gia Lai, hơtŏk jang kiơ̆ trong jang ‘nao; hơtŏk tơdrong jang pơtho pơhrăm, jang pơgang hơmet jĭ jăn, joh ayŏ - tơpôl, vei sơđơ̆ng tơpôl teh đak, pơjing anih jang chĭnh trĭ kơjăp sơđơ̆ng tôm tơdrong.

Gơnơm thoi noh, Pleiku hlôi hơtŏk jing pơlei tơm kơluăi 1 kơ dêh char Gia Lai ah sơnăm 2020. Truh hơtuch sơnăm 2023, Pleiku hơtŏk mŭk drăm đei 10,66%, rim bơngai jang đei yua 110 trĭu hlj; tơmơ̆t lơ̆m jên mong teh đak đei hloh 1.700 tih hlj. Ah jơ lêh, Anih jang Đảng pơlei tơm Pleiku chơt hơ-iă đei sơng iŏk Mê đai Pơm jang tăl Ƀar kơyuơ Kơdră teh đak pôk ăn.