36 tơdrong vă jang găh 6 tơdrong jang tơm đei Đắk Lắk tơlĕch vă sơng iŏk jên jang. Lơ̆m noh, đei 8 tơdrong vă jang găh choh jang xa păng pơm hơmet tơmam đơ̆ng choh jang xa, 13 tơdrong vă jang găh jang kơmăy – ming man, 8 tơdrong vă jang găh tĕch mơdro, pơvih pơvăn, chă tơmang lăng. Hơdrô̆ tơdrong choh jang xa păng pơm hơmet tơmam đơ̆ng choh jang xa, dêh char Đắk Lắk đei lơ tơdrong ‘lơ̆ng đơ̆ng choh jang truh pơm tơlĕch tơmam. Mă lei, dang ei kơmăy kơmŏk pơm tơmam ‘nao lăp kĕ pơm hơmet đơ̆ng 10-15% akŏm đĭ đăng tơmam jang đei đĕch.

Tơdăh krao hơvơn đei jên jang ăn 8 tơdrong vă jang găh choh jang xa, pơm hơmet tơmam mă Anih vei lăng kon pơlei dêh char ‘nao tơlĕch, ‘nŏh gô tơgŭm ăn kon pơlei sơđơ̆ng jơhngâm jang xa păng đei trong vă pơjing tơring pơtăm 1 ƀôt, vei sơđơ̆ng tơmam jang đei, tơgŭm tưk tơiung tơdrong choh jang xa kiơ̆ trong jang xa 1 ƀôt, chih hơdăh anih jang đei tơmam, pơm ‘lơ̆ng hăm rim tơdrong hơgăt.