Khei ‘năr âu ki, ‘năr tơ̆ Dak Lak tŏ hang kơtang, hơ yŏ jô̆ păh lăp hloh 32 độ, păng tơ dra hơdrol tŏ hang gô oei pơ dui đunh. Kiơ̆ Kŏng ti ŭnh điên Dak Lak, yua đơ̆ng ‘meh vă iŏk yua dôm tơmam pơm rơngơp tŏk lơ, kơ sô̆ ŭnh điên yua tŏk lơ.

Vă veh ver tơdrong jên ŭnh điên tŏk lơ păng ŭnh điên trăp dêh hnang, kŭm hăm tơdrong tơlĕch jang dôm trong jang ki thuơ̆t, anih jang ŭnh điên tơ tă kơ tơ moi yua ŭnh điên ‘mơ ‘met, mă lăp păng sơđơ̆ng kiơ̆ pơkăp 4 ƀlep: “Ƀlep tơdrong, ƀlep hơnih, ƀlep trong păng ƀlep ‘meh vă” păng athei “Pĭt mưh ưh kơ yua”. Ŭnh điên Dak Lak kŭm tŭn pran kơtơ̆ng ang tơroi tơbăt truh kon pơlei yua ŭnh điên sơđơ̆ng, ‘mơ ‘met ‘moi kiơ̆ dôm hla ar tơroi păng dôm kơmăy kơtơ̆ng ang, website, mạng tơpôl...