Kiơ̆ rim bơngai tang măt, lơ̆m khei năr kơ kăch mạng 4.0 păng tơplih kơsô̆, kăl pơjing minh anih chih răk tơdrong kăl vă pơtrŏ hăm tơdrong pơkăl hơlen akŏm, chih răk păng hơlen lăng tơdrong kăl băt. Ăh tơdrong chih răk đei akŏm tơchơ̆t drơ̆ng minh pơm trong hiôk ăn tơdrong tơroi, akŏm tơdrong kăl lơ̆m jâ̆p teh đak, atŭm hăm noh hơtŏk pơyua tơnăp dôm tơdrong jang kơ teh đak. Tơdrong chih răk tơdrong kăl 'nao tơgop hơtŏk tơdrong hiôk lơ̆m akŏm păng tơbang tơdrong kăl păng tang găn tơdrong chih răk ưh kơ trŏ tơdrong kăl. Mă lei tơnap tap dang ei noh tơdrong tơroh dôm anih juăt jang, anih chih akŏm tơdrong kăl kơ dôm anih jang tơm, rim anih jang oei lơ tơnap tap. Kiơ̆ dôm bơngai jang tang măt, vă xek tơlang tơdrong kăl tơroh chih akŏm tơdrong kăl noh dôm anih jang tơm, rim anih jang kăl drơ̆ng nơ̆r lơ̆m tơdrong chih akŏm, vei lăng, tơroi păng iŏk yua tơdrong chih kăl noh. Atŭm hăm noh, Jơnŭm pơgơ̆r teh đak kăl hrôih pơjing păng tơmơ̆t yua Anih jang chih răk tơdrong kăl kơ teh đak vă hơmet dôm tơdrong tơnap lơ̆m tơroh, tơroi tơdrong chih akŏm kăl.