Kiơ̆ tơbăt, mă đơ̆ng đei ƀơm kơnê̆ đơ̆ng jĭ hơbuh Covid-19 mă lei rim hơnih mơdro sa hlôi iung jang tơplih ‘nao trong jang pơm tơlĕch tĕch mơdro, jang kiơ̆ khoa hŏk kmăi kmŏk vă atok jang đei jơnei hơ iă, pơm đei tơmam drăm ‘lơ̆ng, pơjing đei hơyak pran ăn pơjei kơ hơnih mơdro sa.

Rim hơnih, tơring pơgơ̆r lơ trong jang, jơnŭm kơchơ nhen, giĕng tơmam drăm Việt tơƀôh tơbăt, pơtrŭt mơdro sa, hơnih tĕch tơmam drăm OCOP, hơnih tĕch tơmam drăm Việt Nam hăm hơnăn “Hưch hanh hơmanh bơnê tơmam drăm Việt Nam, Tơdrong ‘lơ̆ng liĕm tơmam drăm Việt Nam”... Sơnăm 2023, Hơnih chĕp pơgơ̆r Trung ương ‘Măng hơvơn tơlĕch trong jang atŏk kơtang hơnăp jang kơ rim hơnih bơ̆ jang lơ̆m khul chĭnh trĭ lơ̆m tơlĕch jang kiơ̆ ‘Măng hơvơn, atŏk kơtang jang hơdoi lơ̆m bơ̆ jang pơrô̆ ,pơrôp, dăr lăng rim trong jang tơgum djru hơnih mơdro sa, hơnih pơm tơlĕch tĕch mơdro, pơgơ̆r rim tơdrong jang pôk bơnê hơnih mơdro sa, chă rơ̆ih tơmam drăm ‘lơ̆ng, atŏk kơtang jang dăr lăng, lăng hơlen hơnih tĕch mơdro păng atŏk kơtang vei lăng năng tông ăn bơngai răt yua…