Vang akŏm đei Phó Thủ tướng Trần Hồng Hà, kŭm hăm kơdră chĕp kơ̆l dôm anih tơm, anih jang kơpal kơ trung ương. Pơma nơ̆r pơtho tơ̆ hop akŏm, Phó Thủ tướng Trần Hồng Hà akhan, Đông Nam ƀô̆ jĭ tơring jang tŏk tơm, jĭ tơring năm hơdrol tih hlŏh lơ̆m rim tơdrong, tơdrong jơnei ‘nâu đei tơdrong tơgop tih tên đơ̆ng rim anih pơtho pơhrăm.

Phó Thủ tướng tĕh đak athei Anih tơm vei lăng pơtho pơhrăm jang hơdoi hăm dôm anih tơm, anih jang kơpal, tơring tơrang tơchĕng hơlen găh trong jang atŏk tơiung pơtho pơhrăm kiơ̆ tơdrong tơchơ̆t 24 đơ̆ng Anih tơm Chinh trĭ. Đơ̆ng nŏh, tơproh trong jang mă hơdăh vă atŏk tơiung anih pơtho pơhrăm, lăp hăm rim tơdrong đei tơ̆ dôm dêh char lơ̆m tơring Đông Nam ƀô̆; athei pơjing ming man tơ̆ âu 1,2 anih pơtho hŏk đăi hŏk, kơpal kơ đăi hŏk, tơmât jên ăn dôm tơdrong jang ‘nao, man dôm anih jang tơplih ‘nao rơgei.