Đei ƀơm kơnê̆ đơ̆ng kial hơbut kơsô̆ 3, đak jroh păng teh tơdrut hơlih tơ mĭnh ƀar tơring hlôi pơm ăn 200 ‘nu bơngai lôch păng hiong dong, 760 ‘nu bơngai rơka. Hơgăt teh chŭn na ƀa đak, ‘nhot sa păng ‘long pơtăm răm đak lip, hiong răm truh 200.000ha. Tơ̆ dôm tơring kial hơbŭt tơhlu, mơjĭt rơbou pơbung hnam hơlih, pơbŭng hlơk, hư răm kơtang, pơm hiong răm truh mơjĭt rơbou ti hlak jên. Hăm jơhngơ̆m đon “tơgum ‘mêm mơnat dih băl”, “hla ‘lơ̆ng glơng ba hla hyăh”, Ban Tuyên giáo Trung ương krao hơvơn đĭ đăng kang ƀô̆, bơngai jang vang jang kiơ̆ nơ̆r krao hơvơn đơ̆ng Hơnih jang Trung ương Mặt trận Tổ quốc Việt Nam; vang tơgŭm jơhngơ̆m păng tơmam drăm vă tơgum ăn kon pơlei rim dêh char hiong răm đơ̆ng kial hơbŭt pơm ăn yak hloh tơnap tap. Mĭnh ‘nu kang ƀô̆, bơngai jang tơgŭm tŏ sĕt hloh 1 năr jên khei vă vang tơgop lơ̆m tơgŭm djru kon pơlei tơnap tap đơ̆ng ‘mi kial pơrăm.