Tơ̆ pơma dơnuh, ƀar ‘nu Kơdră chĕp pơgơ̆r hlôi drơ̆ng mĭnh nơ̆r hơnơ̆ng pơtrŭt kơtang ăn rim khul kơdră Hơnih tơm, hơnih jang, tơring păng hơnih mơdro sa tơƀơ̆p dih băl vă tơlĕch jang kiơ̆ ‘lơ̆ng rim tơdrong drơ̆ng mĭnh nơ̆r khul kơdră kơpal ƀar teh đak; drơ̆ng mĭnh nơ̆r tơlĕch jang hơnơ̆ng păng pơm hơtŏk jơnei rim trong jang hơdoi dih băl, rim tơdrong jang hơdoi joh ayŏ păng kon pơlei năm ngôi dih băl lơ̆m “Sơnăm Tơgoăt tơgoăl Việt Nam - Cuba 2025" păng dôm sơnăm đơ̆ng rŏng; atŏk kơtang iung jang hơdoi, tơbăt dih băl jơhngơ̆m đon bơ̆ jang, iung jang hơdoi tơ̆ rim ‘măng pơgơ̆r hop akŏm lơ pang păng rim khul apŭng plĕnh teh mă ƀar teh đak vang mơ̆t jang; atŏk kơtang hloh dơ̆ng jang hơdoi ƀar păh rim khul jang chinh trĭ-tơpôl păng tơring ƀar teh đak; atŏk kơtang tơroi tơbăt dih băl kơtơ̆ng ang, pơrô̆ pơrôp, pơtho pơjing, pơtho tơbăt ăn jơhnơr mơlôh ƀar teh đak găh tơdrong joăt joe sơ̆ ki, tơdrong tơgoăt tơgoăl gĭt kăl, ‘lơ̆ng hơ iă păng mĭnh jơhngơ̆m đon kơ ƀar hơdrĕch hơdrung.