Ƀlŏk hơdơ̆r 35 sơnăm năr 64 ‘nu linh lôch tang tơ̆ achon kông Gạc Ma
Thứ tư, 08:14, 15/03/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Pơgê 14/3, tơ̆ plt Đà Nẵng, Anih chă pơma nuh ăn Khul linh so, linh đak dơsĭ plt Đà Nẵng pơm lêh ƀlŏk hơdơ̆r 35 sơnăm năr lôch tang đơ̆ng đe linh nuih mơng tơ̆ achon kông Gạc Ma.
Truh pơm lêh đei bơngai tang măt đơ̆ng Anih chĕp kơ̆l pơgơ̆r khul linh Tơ ring 3 khul linh đak dơsĭ, kơtum kơtŏng ‘nhong ŏh đe linh lôch tang tĕh đak. ‘Năr 14/3/1988, 64 ‘nu linh tơ̆ achon kông Gạc Ma lơ̆m 1 tơdrong tơblăh ưh hơtŏ băl hlôi hŭt hơkâu lôch tơ̆ đak dơsĭ.
Tơdrong tơblăh Gạc Ma tơƀôh hơdăh jơhngâm đon ‘mêm tĕh đak đơ̆ng đe kon hơ‘lơ̆p gơ̆h hơgei mưh bơ̆ jang vei lăng achon kông đak dơsĭ gĭt kăl kơ tĕh đak, lơ̆m nŏh đei 10 ‘nu tơdăm đơ̆ng dêh char Quảng Nam - Đà Nẵng (so). Tơ̆ jơ pơm lêh, Anih chă pơma nuh ăn khul linh so, linh đak dơsĭ plt Đà Nẵng ‘măn lơ tơmam hơpăh ăn đe kơtum kơtŏng ‘nhŏng ŏh linh lôch tang tĕh đak.
Viết bình luận