Pơgê 27/8, Jơnŭm pơgơ̆r kon pơlei dêh char Khánh Hòa jăl VII, jăl jang 2021 - 2026 pơgơ̆r ‘Măng hop akŏm tơdrong jang. Tơ̆ ‘măng hop akŏm, Jơnŭm pơgơ̆r kon pơlei dêh char Khánh Hòa hlôi pơgơ̆r tơdrong jang rơih bơngai jang găh gơh bơ̆jang, pôk kơchư̆k phŏ Kơdră Anih vei lăng kon pơlei dêh char Khánh Hòa, jăl jang 2021 - 2026. Pơtôch, ƀok Lê Huyền, bơngai jang lơ̆m Anih jang Đảng dêh char, Bơngai jang lơ̆m khŭl chih hơmet hla ar kăl Hop akŏm Đảng bộ dêh char, đei pôk pơm Phŏ Kơdră Anih vei lăng kon pơlei dêh char Khánh Hòa.

Dôm bơngai tang măt hlôi yơ̆r ti pơdrơ̆ng kiơ̆ tơdrong Tơchơ̆t hơlen lăng hơdăh pơtôch pôk hơtŏk. Hơdrol ‘noh, Ban Bí thư athei bok Lê Huyền, hơdrol ki ‘noh jang lơ̆m Anih jang Đảng dêh char, hơdrol ki ‘noh pơm Phŏ Kơdră Anih vei lăng kon pơlei dêh char Ninh Thuận (hơdrol kơ tơmơ̆t hơdai hăm dêh char Khánh Hòa) vang jang lơ̆m khŭl chĕp kơ̆l pơgơ̆r Đảng bộ dêh char Khánh Hòa jăl jang 2020 - 2025. Thoi noh, Anih vei lăng kon pơlei dêh char Khánh Hòa dang ei đei 1 Kơdră păng 4 phŏ kơdră Anih vei lăng kon pơlei dêh char, lơ̆m noh, ƀok Trần Quốc Nam ‘noh jĭ Kơdră Anih vei lăng kon pơlei dêh char; dôm phŏ kơdră ‘noh: Nguyễn Long Biên, Trần Hòa Nam, Trịnh Minh Hoàng păng Lê Huyền.