Ƀok Nguyễn Khắc Toàn pơm Kơdră vei lăng kon pơlei dêh char Khánh Hòa
Thứ sáu, 10:31, 26/09/2025
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV.Bahnar - ‘Năr 25-9, Anih vei lăng kon pơlei dêh char Khánh Hòa pơgơ̆r Hop akŏm roi tơbăt tơdrong tơchơ̆t đơ̆ng Thủ tướng teh đak găh kĭ ăn tơdrong pôk rơih kơchư̆k pơm Kơdră vei lăng kon pơlei dêh char Khánh Hòa đơ̆ng 2021 - 2026 hăm ƀok Nguyễn Khắc Toàn, Phŏ Bí thư Đảng dêh char.
Adrol kơ ‘nŏh, ‘năr 16/9, tơ̆ Hop akŏm mă 2, Jơnŭm pơgơ̆r kon pơlei dêh char Khánh Hòa lui, pôk ƀok Nguyễn Khắc Toàn pơm kơchư̆k ‘nâu. Pơma ƀât iŏk kơ chư̆k, ƀok Nguyễn Khắc Toàn pơkăp vă kŭm hăm khul grŭp tơ̆ Anih vei lăng kon pơlei dêh char Khánh Hòa tơplih ‘nao đon tơchĕng, năng tơdrong đei yoa ăn teh đak, pơlei pơla păng kon pơlei kăl hlŏh;
Vei kơjăp tơdrong juăt 1 ƀơ̆r đon – jang tơnăp – gơ̆h hơgei – pran kơtang – đei yoa, hơtŏk đon tơnăp, bơ̆ jang đĭ jơhngâm vă hơnhăk Khánh Hòa jang tŏk pran ‘lơ̆ng. Ƀok Nguyễn Khắc Toàn, rơnĕh sơnăm 1970, pơlei tơ̆ phường Đông Ninh Hòa, dêh char Khánh Hòa; hŏk cử nhân Luật, cử nhân Pơjing Đảng păng Khul kơdră pơgơ̆r, đei ƀăng kao kâp chinh trĭ.
Viết bình luận