Kiơ̆ kơ ‘nŏh, Ban Bí thư tơchơ̆t asong ăn ƀok Phạm Minh Tuấn pơdơ̆h pơm Kơdră chĕp kơ̆l – Bơngai chih hơmet tơm kơ Hnam kơmăy in kơsơ̆p hla ar Chinh trĭ tĕh đak tơdrong tơpă; pôk ƀok Phạm Minh Tuấn pơm Phŏ Kơdră vei lăng Kơsơ̆p hla ar tơroi Cộng sản.

Pơjao tơdrong tơchơ̆t đơ̆ng Ban Bí thư ăn ƀok Phạm Minh Tuấn, Phŏ Kơdră Anih pơgơ̆r Trung ương Mai Văn Chính ăn tơbăt, Ban Bí thư hlôi tơchơ̆t pơjao tơdrong jang ăn ƀok Phạm Minh Tuấn, ‘nâu jĭ tơdrong jang ‘nao tơ̆ 1 anih tơblang tơƀôh chinh trĭ đơ̆ng Khul kơdră chĕp kơ̆l Trung ương, anih tơƀôh hơdăh đon tơchĕng, trong jang găh tơdrong tơblang tơƀôh đơ̆ng Đảng, athei ƀok Phạm Minh Tuấn adrin, jang tôch ai, adrin tôch pơnĕh vă jang lăp hăm tơdrong jang đei tơlĕch.