Pơma pơgơ̆r jơ bơ̆ jang, ƀok Phan Đình Trạc bơnê kơ tơdrong mă đei jơnei pơgơ̆r jang đơ̆ng Anih juăt jang Tĭnh wi găh tơdrong jang nô̆i chĭnh, hơmet pơ-'lơ̆ng jang tư phap păng tơdrong jang tang găn păng tơjră xa pơjĭp kơnê̆. Kơdră Anih jang Nô̆i chĭnh Trung ương pơkăl Tây Ninh athei akŏm pơgơ̆r jang dôm tơdrong vei xơđơ̆ng tơpôl xơlam teh, tơpôl tơ̆ tơring oei xa, jang tơnăp hăm dôm tơdrong khop, bơngai pơm jang; hơtŏk đei jơnei tơdrong jang păng jang hadoi hăm anih jang nô̆i chĭnh, tư phap; hơtŏk chă hơlen pơkăp tơdrong pơgơ̆r jang lơ̆m tơdrong tơkêng tơhlâu, xek tơlang. Ƀok Phan Đình Trạc adoi pơkăl Tây Ninh athei tơrĕk truh tơdrong chă hơlen kơdih po lơ̆m khul jang, pơkăl “kơdih hơlen, kơdih hơmet pơ-'lơ̆ng” hăm rim kang ƀô̆, đảng viên păng rim khul jang, mă hăt noh dôm tơdrong jang, anih jang mă ƀônh đei xa pơjĭp kơnê̆.