Tơroi gah tơdrong jang dơnơm kơ Đảng Cộng sản Việt Nam lơ̆m khei năr truh, ƀok Tổng Bí thư, kơdră teh đak bơ̆n Tô Lâm ăn tơbăt, minh lơ̆m dôm tơdrong jang kăp gĭt hloh kơ Việt Nam noh jang tơnăp tơdrong hơmet ăn Hop akŏm mă 14 kơ Đảng – Hop akŏm hlôi đei sơkơ̆t jing tơdrong kăp gĭt hloh kơ jơhnơr hơrih ‘nao, chăl sơnăm hơtŏk tơ-iung kơ kon pơlei Việt Nam lơ̆m jăl trong pơm jang chủ nghĩa xã hội.

Kiơ̆ Hla bar pơkăp jang hadoi lơ̆m khei năr dang ei đơ̆ng Trưng Đảng Trung ương Trung Quốc păng Hŏk viê̆n Chĭnh trĭ kuôk ya Hồ Chí Minh ‘nao đei kĭ pơkăp păng dôm tơdrong jang đei jơnei lơ̆m khei năr âu ki, vă kơhret hloh dơ̆ng tơdrong jang tơbôl ‘nao kơ 2 Đảng, 2 teh đak, ƀok Tổng Bí thư, Kơdră teh đak bơ̆n Tô Lâm pơkăl, ƀar hnam trưng hơtŏk akŏm pơma đam, hơvơn đe kơdră kơpal păng đe giáo sư, bơngai juăt jang hơgei kơ hnam trưng năm tơmang Việt Nam vă hơtŏk hloh dơ̆ng tơdrong jang tơbôl păng lui ngeh hăm dih băl.