Ƀok Tổng Bí thư, Kơdră teh đak bơ̆n Tô Lâm pơtruh hăm đe kan ƀô̆, bơngai jang tơ̆ Anih jang tang măt atŭm hăm tôm kon pơlei Việt Nam tơ̆ Mông Cổ nơ̆r apinh jet gia pơma dơnuh, nơ̆r thơ thâu grăng hơkâu jăn, jơnap atŭm hăm đon bơnôh tơnŏ hloh đơ̆ng pơlei pơla Việt Nam. Ƀok Tổng Bí thư, Kơdră teh đak bơ̆n Tô Lâm ăn tơbăt, ‘măng năm tơmang truh Mông Cổ mă âu noh kăp gĭt hloh, đei pơgơ̆r lơ̆m khei năr tơdrong jang tơbôl kơ 2 teh đak oei hơtŏk tơ-iung ‘lơ̆ng hơ-iă.

Ƀok Tổng Bí thư, Kơdră teh đak bơ̆n Tô Lâm pơgơ̆r hăm Anih jang tang măt ăn Việt Nam tơ̆ Mông Cổ hơnơ̆ng vei kơjăp sơnong pơm gơng tơroh kơ 2 teh đak păng rim anih jang tơm, anih jang kơ 2 pah, jang hadoi đei jơnei kơjăp dôm tơchơ̆t kơ Đe Kơdră kơpal kơ 2 teh đak, lơ̆m noh đei Tơchơ̆t atŭm gah hơtŏk jang Tơbôl tôm tơdrong Việt Nam - Mông Cổ; jang atŭm hơtŏk tơbôl jang hadoi đei jơnei kơ 2 teh đak lơ̆m tôm tơdrong jang.