Tơ̆ Hop akŏm, đei Ban Bí thư păng Kơdră Hơnih bơ̆ jang Trung ương pơjao, ƀok Phan Thăng An, Kơ iĕng Kơdră chĕp pơgơ̆r Hơnih bơ̆ jang Trung ương tơchơ̆t hơdăh Tơdrong tơchơ̆t đơ̆ng Ban Bí thư găh tơdrong pơjao jang, tơchơ̆t pơjao ƀok Trần Hồng Thái, Kơdră jang lơ̆m Khul kơdră chĕp pơgơ̆r đảng, Kơ iĕng Kơdră chĕp pơgơ̆r Hơnih tơm Khoa hŏk păng Kmăi kmŏk iŏk jang lơ̆m Khul kơdră chĕp pơgơ̆r, iok jang Kơ iĕng Kơdră chĕp pơgơ̆r Đảng dêh char Lâm Đồng, jăl jang 2021-2026. Ƀok Trần Hồng Thái rơneh sơnăm 1974, pơlei apŭng Can Lộc, dêh char Hà Tĩnh; hŏk đang giáo sư, tiên sih; lĕch ‘măng khoă đăi hŏk tơ̆ Liên bang Nga, hŏk pơhrăm tiên si găh tơdrong jang Khoa hŏk plei teh păng Toán học tơ̆ Hnam trương Đăi hŏk Heidelberg (Liên bang Đức).