Ƀok Trần Minh Sơn đei rơih vă iŏk jang lơ̆m Khul kơdră chĕp kơ̆l Đảng dêh char Gia Lai
Thứ sáu, 13:39, 23/08/2024
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar – Pơgê 22/8, Khul kơdră chĕp kơ̆l Đảng ƀô̆ dêh char Gia Lai pơgơ̆r hop akŏm roi tơbăt tơdrong tơchơ̆t roi ƀok Trần Minh Sơn, Kơdră jang lơ̆m Anih chĕp kơ̆l Đảng, Kơdră Anih MTTQ Việt Nam dêh char Gia Lai, vă pôk hơtŏk, mât jang lơ̆m Khul kơdră chĕp kơ̆l Đảng dêh char đơ̆ng 2020-2025.
Pơma tơ̆ hop akŏm, ƀok Hồ Văn Niên- Kơdră jang lơ̆m Trung ương Đảng, Bí thư Đảng dêh char, Kơdră Jơnŭm pơgơ̆r kon pơlei dêh char Gia Lai ăn tơbăt, tơdrong rơih bơngai jang đei bơ̆ jang trŏ trong. Khul kơdră chĕp kơ̆l Đảng dêh char Gia Lai hlôi gơih hla ar chih ăn Ban Bí thư Trung ương Đảng păng Anih pơgơ̆r Trung ương.
Anih pơgơ̆r Trung ương drơ̆ng nơ̆r ăn ƀok Trần Minh Sơn- Kơdră jang lơ̆m Anih chĕp kơ̆l Đảng dêh char, Kơdră Anih MTTQ Việt Nam dêh char Gia Lai, vă pôk hơtŏk, mât jang lơ̆m Khul kơdră chĕp kơ̆l Đảng dêh char Gia Lai jăl jang đơ̆ng 2020-2025.
Viết bình luận