Hăm jơhngơ̆m đon “Tơgoăt tơgoăl - kon pơlei pơm tơm - Jang tơnăp - Tơplih ‘nao - Hơtŏk tơiung”, hop akŏm hlôi tơlĕch ăn lơ tơdrong hơgăt, hơnăp jang tơm vă hơtŏk tơiung drơ̆ng nơ̆r lơ̆m tơpôl, hơtŏk jơhngơ̆m pran grŭp tơgoăt tơgoăl đĭ đăng hơdrĕch hơdrŭng. Kiơ̆ tơroi tơbăt tơ̆ hop akŏm, lơ̆m 5 sơnăm bơ̆jang đơ̆ng Mặt trận Tổ quốc Việt Nam rim tơring păng rim khŭl jang tơ̆ dêh char Đắk Lắk hlôi đei lơ tplih ‘nao, vei hơnăp jang tơm lơ̆m dôm tơdrong jang chĭnh trĭ tơpôl.

Hop akŏm hlôi drơ̆ng nơ̆r pơma dơnuh rơih ăn 93 ‘nu bơngai jang lơ̆m Anih jang Mặt trận Tổ quốc Việt Nam dêh char Đắk Lắk jăl XV, jăl jang 2024-2029. Ƀok Y Giang Gry Niê Knơng đei pôk pơm dơ̆ng Kơdră Anih jang Mặt trận Tổ quốc Việt Nam dêh char Đắk Lắk jăl ‘nao. Ƀok Y Giang pơma, tơ̆ hơnăp kơnh, Mặt trận Tổ quốc rim tơring tơ̆ Đắk Lắk hơnơ̆ng akŏm hơtŏk ‘lơ̆ng, đei yua dăr lăng păng pơma tơblang ăn tơpôl, hơtŏk kon pơlei tơm păng hơtŏk loi dơ̆ng grŭp tơgoăt tơgoăl.