Vang akŏm ‘măng apĭnh jet păng tơl nơ̆r apĭnh vă set hơlen tơdrong bơ̆jang kiơ̆ đơ̆ng Khŭl kơdră teh đak, dôm anih tơm, anih jang hăm 6 tơdrong tơchơ̆t găh apĭnh jet păng dăr hơlen tơdrong jang đơ̆ng Anih chĕp kơ̆l pơgơ̆r Quốc hội đơ̆ng blŭng jăl jang Quốc hội jăl XV truh đĭ sơnăm 2023, tơ̆ hơnih pơih tivi Đắk Lắk, bơngai tang măt Nguyễn Thị Thu Nguyệt, Khŭl tang măt Quốc hội dêh char Đắk Lắk hlôi tơlĕch nơ̆r apĭnh truh Kơdră Anih tơm vei lăng găh Choh jang sa păng Hơtŏk tơiung Tơring tơrang găh hơnăp jang đơ̆ng anih jang choh jang sa lơ̆m tơdrong jang chĕng hơmet teh păng pơjing chĕng hơmet teh.

Đơ̆ng rŏng mơ̆ng nơ̆r tơl apĭnh jet đơ̆ng Kơdră Anih tơm vei lăng găh Choh jang sa păng Hơtŏk tơiung Tơring tơrang Lê Minh Hoan, bơngai tang măt Nguyễn Thị Thu Nguyệt, Khŭl tang măt Quốc hội dêh char Đắk Lắk hơlen lăng: Kơdră tơm hlôi đei dôm nơ̆r tơl tôch kơ hơdăh. Anih tơm vei lăng găh Choh jang sa păng Hơtŏk tơiung Tơring tơrang kŭm hlôi đei dôm trong vang pơgơ̆r ‘lơ̆ng. Dôm tơdrong đei ƀôh tơ̆ yan âu hrei ‘nâu lơ̆m tơdrong hơtŏk tơiung anih jang choh jang sa tơ̆ rim tơring păng kiơ̆ rim tơdrong ‘meh vă đơ̆ng kon pơlei.