Pơma nuh tơ̆ jơ sơng, Đại tướng Phan Văn Giang akhan, Việt Nam păng Malaysia jĭ teh đak jê̆ băl tơ̆ đak dơsĭ, jĭ teh đak vang jang tôch tơnăp lơ̆m bơbŭng hnam atŭm ASEAN.

Đại tướng Phan Văn Giang tơchĕng ‘lơ̆ng dôm tơdrong jang hơdoi đơ̆ng khul linh 2 teh đak khei ‘năr âu ki, atŭm hăm ‘nŏh athei tơ̆ hơnăp kơnh, Khul linh 2 teh đak hơnơ̆ng tơlĕch jang mă tôm, đei yoa dôm tơdrong jang oei tơlĕch; vang roi tơƀôh tơlĕch trong pơgơ̆r pơma nuh găh khul linh ăn đe Phŏ kơdră tơm, pơjing trong pơma nuh găh khul linh gre păr, khul si kuan oei mơlôh; hơtŏk tơdrong jang hơdoi găh dôm tơdrong mă 2 păh đei lơ tơdrong ‘lơ̆ng nhen: jang kơmăy khul linh, quân y, vang vei lăng rơngei đơ̆ng Liên hợp quốc; hơnơ̆ng pơma nuh păng tơgŭm băl tơ̆ dôm khul jang lơ pang.