‘Nau đei lăng jing tơdrong kăl hloh vă hơmet pơ ‘lơ̆ng trong jang tơmơ̆t jên jang, atŏk kơtang tơdrong bơ̆ jang tơ iung pơjing khul bơ̆ jang kơsô̆, mŭk drăm kơsô̆, tơpôl kơsô̆ lơ̆m dêh char.

Dêh char Đăk Lăk hrei au đei 1.590 tơdrong pơm hla bơar, lơ̆m au 640 tơdrong pơm hla bơar trư̆k tuyên (tơmơ̆t 40%). Sơnăm 2022, hơnih bơ̆ jang Kmăi kmŏk dêh char hlôi sơng iŏk, pơm keh đang hloh 1.265.000 hô sơ hla bơar kiơ̆ trong Mĭnh ‘măng điên tư khul jang, bơ̆ jang keh đang dôm hla bơar jơnei 95,99%. Mă lei, kơsô̆ hô sơ ba ăn kiơ̆ trong jang trư̆k tuyên tim mă lơ, kơ yuơ kon pơlei, hơnih mơdro sa oei oei kơjăp tơdrong joăt năm pơm hla bơar tơ̆ hơnih bơ jang hloi. Vă atŏk jơnei hơmet ming trong bơ̆ jang, rim tơring lơ̆m dêh char tŏk bŏk atŏk kơtang pơtho tơbăt trong hơ iă lơ̆m pơm hla bơar kiơ̆ trong trư̆k tuyên ăn kang ƀŏ, kon pơlei.