Hăm hơnăn “Hơpơi ‘meh pơjing dêh char Đak Lăk pơdrŏng ‘lơ̆ng rŏ, gơh hơgei, ƀenh kơ um ai joh ayŏ” năr akŏm iung pơm jang hlôi tơlĕch lơ tơdrong jang tơ̆ 3 anih noh kơchơ @BMT, Đương săch kaphê Buôn Ma Thuột păng Hnam trưng đăi hŏk Tây Nguyên. Rim anih jang hlôi tơbang pơdah jê̆ 150 anih ‘măn tơmam drăm iung pơm jang, tơmam OCOP, kŏng ngĭp tơ̆ tơring, tơmam ‘măn ăn tơmang pơhiơ̆ kơ rim anih jang mŭk drăm lơ̆m dêh char.

Pơgơ̆r 2 tơdrong pơma đam gah iung pơm jang gơh hơgei tơplih ‘nao păng pơih lăm pơhrăm, pơma đam, hop akŏm tơguăt jang tĕch răt tơmam drăm, hơvơn lơ anih jang mŭk drăm, bơngai jang pơtruh lơ trong pơm jang kăp gĭt ăn tơdrong iung pơm jang tơ̆ Đak Lăk.