Hop akŏm bơngai tang măt ăn Đảng ƀô̆ dêh char Đăk Lăk 'măng mă 1, jăl jang 2025-2030, pơgơ̆r đơ̆ng năr 29/9 truh năr 1/10 hăm 449 'nu tang măt ăn hloh 137.000 đảng viên lơ̆m tôm Đảng ƀô̆. Hăm pơkăp “Tơguăt tơguăl – Hiôk hian – Pơkăp sơđơ̆ng – Jang kơtang – Hơtŏk tơ-iung”, dêh char Đăk Lăk sơkơ̆t hơdah 4 tơdrong tơm noh: hơtŏk bơngai jang, khua hŏk kŏng ngê̆, anih jang păng hơmet trong tơlĕch jang. Phŏ Ƀĭ thư Tĭnh uy, Kơdră Anih jang vei lăng kon pơlei dêh char Tạ Anh Tuấn ăn tơbăt, jăl jang truh Đăk Lăk pơtơm ăn dôm tơdrong jang tơm kăp gĭt păng pơlan să, mă kăl noh asong ming man gah trong nơnăm.

Dêh char akŏm bơngai jang vă keh đang dôm jăl trong tơm, trong kơdou hrenh tơroh Đông – Tây, dơnŏk duk, cham gre păr păng dôm jăl trong kơdou hrenh kơ teh đak Tu – Pơbah, Buôn Ma Thuột – Vân Phong. Atŭm hăm noh, dêh char hơtŏk kơtang hơmet 'lơ̆ng hla bar hanh chĭnh, tơplih 'nao tơchơ̆t vei lăng trong jang ƀônh hiôk, pơklaih tơnap tap ăn anih jang mŭk drăm, hơvơn asong jang, hơtŏk tơ-iung kơjăp sơđơ̆ng.