Kiơ̆ Anih hơlen năng hơyuh plenh teh lơ̆m teh đak, lơ̆m dôm năr âu ki, tơ̆ dêh char Đắk Lắk đei ‘mi păh lăp, 1,2 tơring đei ‘mi tih, tôch hơmơt đei đak lŏk tơjroh tơ̆ dôm đak krong, thong đak iĕ păng teh hơlih tơ̆ groi kông lơ̆m 11 apŭng kơ dêh char.

Lơ̆m hla ar chih, Anih vei lăng choh jang xa păng atŏk tơiung tơring tơrang dêh char Đắk Lắk athei Anih vei lăng kon pơlei dôm apŭng, thĭ xăh, plt hơlen năng mă kơjăp rim tơdrong kơtơ̆ng ang, tơdra hơdrol găh ‘mi tih, đak lơ̆p, đak tơjroh, teh hơlih, roi tơbăt tơtom, mă tôm hăm khul kơdră tơring, kon pơlei vă gơ̆h kơchăng tơjră, veh ver, pơm tơjur ƀiơ̆ hiong răm. Dôm apŭng lơ̆m tơring krê hơmơt nhen: apŭng Lắk, Krông Ana, Krông Bông, Ea Súp, athei ăn khul jang truh dăr lăng dôm tơring kon pơlei oei xa tơter đak krong, thong đak, tơring thŭng thong, hơmơt đei đak lơ̆p, đak tơjroh, teh hơlih vă kơchăng pơchoh đak tơ̆ng; pơgơ̆r pôk rĭ kon pơlei lĕch đơ̆ng tơring krê hơmơt tŏk tơ̆ tơring sơđơ̆ng ‘lơ̆ng.