Tơdrong hơmet ăn Hop akŏm Bơngai tang măt Đảng ƀô̆ dêh char Đắk Lắk ‘măng mă I, jăl jang 2025-2030 oei mât lơ̆m khei ‘năr tôch gĭt kăl. Dôm tơdrong jang tơroi tơbăt đei tơlĕch hrơ̆ch ‘lơ̆ng, kiơ̆ lơ trong jang, pơjing jơhngâm đon hưch hanh ăn kăn ƀô̆, đảng viên păng kon pơlei. Tơchĕng hơdrol, Hop akŏm vă pơgơ̆r ƀât hơtuch khei 9 âu.

‘Nâu jĭ tơdrong jang chinh trĭ gĭt kăl vă pơtôch jăl jang so, tơlĕch trong jang tŏk plơ̆ng lơ̆m 5 sơnăm truh, năm truh Hop akŏm bơngai tang măt lơ̆m teh đak ‘măng mă XIV kơ Đảng. Truh dang ei, 106 Đảng ƀô̆ tơring lơ̆m dêh char hlôi pơgơ̆r đang Hop akŏm. Vă roi tơbăt tơtom, trŏ ƀlep găh Hop akŏm, Anih vei lăng jŏh ayŏ kơ dŏ xoang, tơplŏng kơdâu păng chă tơmang lăng jang hơdoi hăm dôm anih jang nai vă pơgơ̆r hôp roi tơbăt adrol păng đơ̆ng rŏng kơ Hop akŏm.