‘Nâu jĭ tơring đei lơ kon pơlei kon kông păng lơ lui khop vang hơkŭm pơhrăm, kơna tơdrong tơplih hơnih bơ̆jang tơlĕch ăn athei vei lăng kơjăp, ưh kơ lê̆ pơhiơ̆ lơ̆m tơdrong jang tơgŭm păng hơkŭm pơhrăm. Tơ̆ hơnăp yan âu ‘nâu, dêh char hlôi hơmet tôm Khŭl pơgơ̆r jang tơdrong jang vei lăng hơdrĕch kon kông - lui khop tơ̆ 2 jăl; pơjing Anih vei lăng Hơdrĕch kon kông păng Lui khop hăm 4 lăm joăt jang; hơdai hăm hơtŏk hơnăp jang kră pơlei, bơngai vei lăng, pơtho lui lơ̆m dôm tơdrong jang âu krao hơvơn kon pơlei hơgei nhen “Hơrih ‘lơ̆ng, lui kơjăp”, “3 sơđơ̆ng”.

Dôm tơdrong jang âu tơgop pơm tơklep hơdai kon pơlei, vei sơđơ̆ng tơ̆ rim xăh ‘nao tơmơ̆t hơdai. Phŏ kơdră Hồ Văn Niên pơma hơdăh, tơdăh ưh kơ tơmơ̆t dơ̆ng tơtom ‘noh tơdrong jang vei lăng hơdrĕch kon kông păng lui khop tôch kơ ƀônh đei pơhiơ̆, păng athei dêh char kăl kơ đei hơyak năm kơtang hloh.